05 December 2006

طيّ المنقطع


أعزائي ..

أكتب إليكم و لا أدري أكان من الأفضل أن أرسل كلماتي هذه هكذا , أم أطويها و أضعها في زجاجة قد تصلكم أسرع و هي تتهادي علي سطح النيل ...
لقد بلغ مني القرف مبلغه – بمناسبة القرف – و أنا في انتظار لحظة اتصال جيدة في الوقت المستقطع الذي أكون متصلا فيه وسط سرمدية انقطاع الاتصال التي شملتني بعد أن اشتركت في خدمة الانترنت فائق السرعة – أي و الله فائق السرعة – المزعومة عبر شركة لينك دوت نت .
بدأت قصتي – و أتمني ألا تذرفوا من الدمع أكثر مما ينبغي قبل فراءة قصتي كاملة – بدأت عندما قررت كمواطن برجوازي صغير أن أودع مرحلة الاتصال عبر التليفون إلي مرحلة الايه دي اس ال , فتوجهت لا ألوي علي شيء لشركة لينك دوت نت المزعومة في منتصف سبتمبر المنصرم و سددت الاشتراك كاملا و يشهد الله علي ذلك , فحصلت علي ابتسامة واسعة و عهد بأن أكون متصلا بعد أسبوعين علي الأكثر ... و بعد أكثر من شهرين من الانتظار و المكالمات الدافئة ثم الساخنة مع موظفي و موظفات قسم المبيعات .. زفوا إلي بشري اتصالي فقلت يغفر الله لهم ما قد سلف ..
و لكنني الآن بعد أسبوعين من الاتصال الوهمي المتقطع و بعد أن زارني مرتين مبيض محارة يزعم أنه مهندس صيانة , أشعر أني أتصل بالانترنت لا عبر تليفون المنزل , بل عبر تليفون أقرب بقال أو كشك سجائر .
حسنا ... أنا الآن علي يقين أنه لا خدمة أردأ من خدمات لينك دوت نت .و من يرد منكم ان يتصل بالانترنت فمن الأفضل له إن لم يستطع الاشتراك عبر شركة أخري , أن يستخدم الحمام الزاجل أو الرسائل المطوية في زجاجات من أن يشترك عبر هؤلاء الملاعين .
و أعلن أني أبدأ هنا الحملة علي الشركة و أدعو كل ضحايا اشتراك الانترنت عندهم لتسجيل شهاداتهم عن كيفية انتهاك حقهم في الاتصال . و لتكن حملة علي غرار " اتكلموا " و لتتصاعد لتصل إلي مظاهرات مسلحة تستهدف مقرات الشركة و قياداتها ...و إن لم نستطع فالمحكمة الدولية .. المحكمة الدولية .. . و لن ينالوا من عزمنا لن ينالوا ... و كما وعدتكم دائما أعدكم مجددا !
أحب أن أنوه ان تجمع قوي الخامس من كانون الأول المبارك هذا ليس طائفيا و لكنه لم و لن يسمح بذكر أية محاسن لخدمات هذه الشركة و لا بذكر مثالب أي شركات أخري . بل يحبذ القيام بدعاية لأي من الشركات المنافسة بما فيها شركات النقل البري و هيئة السكك الحديدية و البريد المصري العادي و خدمة البرق .

أما هؤلاء ... فها أنا أحذرهم الآن , في بدء هذه الحملة المباركة و التجمع المنصور بإذن الله . إن أرادوا إصلاحا فليعتبروا الآن و يراجعوا أنفسهم بشان اشتراكات الإمبابيّين عندهم بدلا من أن يتعللوا بأن سنترال إمبابة هو السبب . مهينين بذلك حضرة سيدي اسماعيل الإمبابي الذي يقع مقامه علي مرمي حجر من السنترال و الذي روي عنه – رضي الله عنه - أنه كان يتصل بأحبابه من البحرين إلي شاطيء الأطلسي اتصالا روحيا فائق السرعة بلا اشتراكات قبل أن يتصل أجداد هؤلاء بجداتهم .

وصل الله عذابهم في جهنم سبعين ألف سنة اتصالا جيدا بلا انقطاع !
و السلام .

عمرو بن عزت الإنبابي
الخامس من كانون الأول من عام الحجاب



32 comments:

مختار العزيزي said...

هاهاها .. موتني من الضحك.. علي فكرة الاتصال من التليفون مش ردئ قوي خاصة اذا عرفنا ان شركات البطيخ دي مش بتقدم حاجة محترمة نظير ما يبلعونه من نقود. جاتهم القرف. ارجع للتليفون ، خمسين كيلو بايت في الثانية مش وحش

Abdou Basha said...

ايجي نت و تي إي داتا أحسن من لينك

Dananeer said...

حلوه اوى ياعمرو
حتلاقى نص البلد بيقول وراك
آآآآمييييييين
و طالعين فى مظاهرات كمان

وياه بقى لو الواحد بينزل حاجه و كل شويه النت يقع

او لما تبقى محتاجه و النتورك واقعه كام يوم

غير السرعه الخرافيه اللى وصلنالها
و بيوعودوك بيها و نصها حتى مش موجود

واحد من الناس said...

الاتصال بالبيت فعلا مش وحش انا ماعرفش سرعته قد ايه بس شغال خصوصا انا ماعرفش موضوع الشركات ده ان ااجايب حته لابتوب وبروح اقعد على القهوة
عارف انا جبت الابتوب ليه
علشان اشيش وانا داخل على الانترنت
عارف انا ليه بشيش علشان اقعد لوحدي
عارف انا ليه بقعد لوحدي علشان الدكتور عبدالوهاب المسيري ربنا يكرمه علمنا ثقافة التامل
عارف انا ليه باتامل علشان افكر في حاجة حلوة تتعمل في مصر
عارف بعد مابافكر باعمل ايه
باكتب
يبقى لازم لابتوب علشان تكتب كل حاجة في وقتها
واهو اسرع

انا راي تجيب لابتوب واي فاي

عمرو انا بس بهزر معاك علشان باحبك

سلامي وتحياتي يا جميل

bluerose said...

سبقتني يا عمرو بالحملة
أنا عايشة نفس المأساة مع لينك , و اللطيف انها اتقطعت أسبوع كامل و عشان يصلحوا الخطأ طلبوا مني الذهاب للفرع الرئيسي "في المعادي" , يعني ولا المصالح الحكومية , مافيش حاجة تتحل بالتليفون و كمان ماينفعش تتحل من الفرع الرقيب من بيتك
اللطيف ان كل أسبوع فيه يوم لازم تتقطع و أكلمهم يقولوا عندهم مشكلة و بيحلوها , و لما اتنرفز ان المشكلة بتحصل كل أسبوع يوم كامل يكون الرد دي أكيد مشكلة في السنترال بتاعي

عارفة ان كلامي مش مفهوم قوي بس انت زي ما تكون فتحت حلة الضغط و البخار المكتوم طلع

لي عودة مع رد أهدأ

مـحـمـد مـفـيـد said...

والله يا عمرو انت مشكله
والله كل مصر هتلاقيها وراك في الحمله دي
حتي الايه دي اس ال معفرت وجنن الناس وبعدين اشمعني هو اللي هيشتغل كويس خلاص كل حاجه عندنا ميه ميه علشان ده يبقي مش متظبط

abu elleil said...

لينك دوت زفت
و بيقولولك أسرع من الخيال! أكيد يقصدوا خيال المآتة
مرة اتصلت بأحد اللينكوية في خدمة العملاء أشتكي من بطء السرعة فبادرني بحل عبقري: فرمت الجهاز.. فما كان مني إلا أن بثثته أطايب الكَلِم مثل أفرمت مين دنا حفرمت ميتين... أشجعك على حملتك و مرحبا بك في عهد السرعة الفاقعة
:)

haisam (jarelkamar) said...

انا متصور ليه اخترت لينك من البدايه .. اكيد عشان مش شركه حكوميه زي تي اي داتا
..

انا من الاول عميل و اتمتع بخدمه لم تنقطع ابدا من شركه تابعه لحكومتي المصريه المصونه في عهد رئيس وزراء نظيف وطويل و تكنولوجي
..

ايجي نت زي الزفت برضه على فكره

محمود عزت said...

يارب ,
ثلاث دعوات مستجابات و أموت مبتسما

النت يرجع
عمرو يسيب أم الجهاز ليا شوية
أتجوز سوسن

ألِف said...

هو أنت ما قراتش بالخط الصغير في آخر العقد أنك لازم أصلا تكون "أبو خطوة" علشان تتصل!

حلول من أنواع "فرمت" الجهاز و "ريبووت" الويندوز دي عادي أنك تسمعها يعني.

لينك دوت قرد زي إيجي قرد.

و بعدين مش أي طيّ يا زعيم :)

Lasto-adri *Blue* said...

هاهاهاها.. فكرتنى ببداياتى مع لينك، عملت انا و اصحابى حملة فعلا ضدها
وحتى كان دا شعارنا



بس معرفش سبحان الله،، الله اكبر وماشاء الله، بقت لطيفة مؤخرا، بعد ما زودنا السرعة

لكنى ما كنتش متطمنة برضو للهدوء العام فى المنطقة الانترنتية.. الى ان اكتشفت المشكلة
ههههههههههه
بيطلبوانا بدفع ثمانية شهور بيزعموا اننا ما دفعنهومش
!!!!


الحكمة المستفادة:
1. كل شاركات الاتصالات فى مصر زفت
2. السكون دائما يسبق العاصفة
3. حافظ على وصولات الدفع
4. حط الروتر فى الدولاب

m4m said...

على فكرة ياعمرو ايجى داتا ممتازة وان كان يشاع أنها مراقبة من أمن الدولة...وبعدين انت احمد ربنا انت حاتتنطط؟ ده انت ما اشتركتش غير بعد مابقى الشهر ب 95 جنيه...كمان عايز تاخد بيهم سرعة؟
وبعدين حملة ايه وهباب ايه؟ انتوا فاكرين حاتطولوا حاجة؟ دى احدى اقطاعيات الكونت دى مونت ساويرس..يعنى كله يوسع ويركن على جنب.

حاجة بعيد عن الموضوع : فيه أخ دخل يعلق عشان بس يعرف الناس انه عنده لابتوب وانه بيشيش بيه ع القهوة...وانه بيقرا عبدالوهاب المسيرى وبيعمل حاجة لمصر وهو بيشيش لازم يكتبها بسرعة ع اللابتوب!!!!

ولما كنت الحقيقة مش فاهم ايه علاقة الاعلان ده كله ببعضه وبالموضوع فأنا أتوجه اليه بالتهنئة وأدعو الله ألا تنتهى أحجار المعسل الا بعد أن يصلح سيادته حال مصر ع اللابتوب....وعجبى

m4m said...

سورى ياجماعة..أقصد تى اى داتا

Mohamed Mehrez said...

ههههههههههههههههههه
اضحك الله سنك

تي اي داتا كويسة جداااا
هم بس اتأخروا علينا على ما وصلوا الاشتراك...لكن من ساعة ما وصل وهو شغال تمام والسرعة ممتازة ونادرا ما بيقطع

Mohamed Mehrez said...

بالمناسبة...انا بقى لي سنتين مع تي اي داتا ومفييش مشاكل الحمد لله

بس المشكلة الجديدة اللي هتقابل مستخدمي الدي اس ال إن الشركات تلغي الوصلات
و90% من مستخدمي الدي اس ال في مصر عاملين وصلات

so7ab said...

انا معاك معاك معاك معااااااااااااااااااااااااااك

انا كرهت النت ولتدوين والمدونات واهلى وصحابى بسبب لينك باشا

تصور لما تفتح حاجه وتقوم تتغدى وبعدين ترجع تشتغتل وبعد كده تفتح حاجه تانيه وتدخن جمبيها علبه سجاير وتحب فى التليفون لحد من تكون اشتغلت

يلا قوم بالحمله وانا معاك

santakarim said...

أحب أوضح كام حاجة بصفتى من سكان القرية الذكية :-)
أولا الانترنت فائق السرعة امتياز خاص بالحكومة المصرية يعنى كل الشركات تسدد للحكومة المصرية فى النهاية مقابل رخصة تسويق الخدمة واستخدام الاجهزة بالسنترالات ، يعنى مش هتفرق كتير ما بين تي اي داتا أو غيرها ، كل الطرق تؤدى لجيب الحكومة
ثانياٌ من تجربتى وتجارب الكثيرين الأفضل كانت تى اى داتا و مؤخراٌ راية والاسوا بلا منافس لينك
ثالثاٌ بحذر اى مشترك فى لينك من ان يفقد اى ايصال مهما كان قديم ، لأن البهوات لا يعترفون باخر ايصال فقط وممكن جداٌ يقولولك انك عليك شهر من السنة الى فاتت
رابعاٌ السرعة القصوى الفعلية للأشتراك 256 هى تقريباٌ 100 حتى مع تى اى داتا لأن الشركات بتحمل أعداد أكبر من المسموح بيها على نفس اللينك
خامساٌ فى بعض حالات التليفونات الخطوط القديمة ممكن تكون المشكلة فى السلك الواصل للشقة لأن الأسلاك القديمة غير صالحة، ودى ممكن تروح السنترال وتتطلب تغيره
وأخيراٌ يبدو أن القرية الذكية تتمتع بكل البرودباند وتخيلوا انى بعمل داونلود على 300 كيلوبت فى الثانية !!!!!!!

فانتوماس said...

علي فكرة كلهم زبالة وبيبعوا خدمة هم اصلا لا يستطيعوا الوفاء بها الكلام ده لازم يكون فيه ما يسمي
service level agreement
يعني سيقوم بتقديم الخدمة التي يجب توافرها مثلا ثمانية وتسعين في المئة من الوقت واذا لم يستطيع يرد لك اموالك عن الفترة التي لم يقدم لك الخدمة, كما انه من المفترض ان يكون هناك جدول لما يسمي
escalation procedure
يعني تكلم مين وفي ظرف قد ايه لو ماحلش المشكلة تكلم اللي بعده وهكذا طبعا هما بيعملوا كده احيانا مع بعض الشركات الكبيرة لكن باقي البشر احلي طناش اشمعني خدمة الانترنت اللي حتكون كويسة في البلد دي

أبو العربى said...


يا عمرو يا روح قلبى
أضحكتنى يا فتى أضحك الله سنك

معقول يا عمرو تكون صاحب أشهر مدونة على النت وتكون طوال هذه المدة مستخدماً للاتصال الأرضى يا جبروتك يا عمرو

نصيحة يا عمرو من مجرب محترق بنيران شركات النهب السريع أرجع للاتصال الأرضى أحسن لك

ونصيحتى أبذلها لك من خلال معاناتى على مدى عامين بالتمام والكمال مع شركتين من شركات النهب السريع

فبعد معاناة على مدى أكثر من عام مع الشركة الزبالة المسماه تى اى داتا وآخر مرة كان أنقطاع النت حوالى شهر متصل أنفقت خلالها على اتصالاتى بمسئول الشركة على المحمول الخاص به أضعاف أضعاف الاشتراك الشهرى قررت أن أهجر هذه الشركة الزبالة إلى لينك دوت كوم والحمد لله الحمد لله الحمد لله الذى لا يحمد على مكروه سواه فلا سرعة ولا أتصال منتظم ولانى مش فاضى خلال الشهور الأخيرة ولا أدخل على النت إلا أربع مرات فقط فى الشهر خلال أيام الجمع فلم ألحظ أن النت قد أنقطع مدة شهر ونص بشكل متصل دون أن أدرى أو حتى أشتكى والصدفة وحدها هى التى أعادت الأتصال إلى رغم أنى منتظم فى دفع الأشتراكات ومقدماً كمان والله ولولا الأنشغال وعدم الفراغ لألغيت الأشتراك ولعدت سالماً غانماً إلى الأتصال الأرضى

ولو دققنا قليلاً يا عمرو - وهذا هو المهم - فى علاقة أصحاب هذه شركات النهب السريع الدى أس أل سابقاً برجال قصر السلطان وأبنائه لربما عرفنا أسباب هذه التناحة والبلادة واللامبالاة التى يتمتع بها المسئولين عن هذه الشركات أمام شكاوى وأنتقادات زبائنهم ولعرفنا دوافع جراءتهم على مخالفة العقود التى صاغوها وأبرموها مع المشتركين والأدهى جراءتهم فى نهب أموال المواطنين الغلابة التواقين إلى الولوج إلى عوالم المعرفة من خلال تقنيات أصبح استخدامها حق من الإنسان

عمرو يا روح قلبى أرجع للأتصال الأرضى ووفر فلوسك وتعب أعصابك وحرق الدم فلا ايجي نت ولا تي إي داتا بأفضل من لينك دوت زفت

Mohamed Mehrez said...

سؤال بعيد عن الكلام ده كله بعد اذنك يا عمرو باشا

يعني ايه "طي المنقطع" وبالتأكيد بردو يعني ايه "طي المتصل"؟؟...أنا بدخل على مدونة عمرو غربية ومش فاهم معنى الاسم :))

blanila said...

إحم.. قعدت اقرا البوست يعنى و قلت هو ليه متحامل على لينك كدة، الواحد يقرا الكومنتس اكيد حد هيقول لاء لينك كويسة!
بس الواضح يعنى واضح اهو..
كله نازل شتيمة فى لينك، مش عارفة ليه، أنا أعرف إن فيه ناس كتير بيكرهوا لينك و بيلعنوا اليوم اللى إشتركوا فيه فيها بس أنا إشتركت فى شهر تسعة اللى فات و النت ماتقطعش عندى غير نص ساعة مرة واحدة و مع ملاحظة ان النت عندى شغال ليل نهار، يعنى الجهاز دة مش بينطفى لأننا مش سايبينه فى حاله.
بالنسبة لموضوع الوصولات دى فنقطة جديرة بإن الواحد ياخد باله منها فيما بعد لأنى مش عارفة الوصولات اللى فاتت فين و تبقى مصيبة لو رجعوا يقولوا متأخرين.
بس حقيقى أعتقد ان الموضوع له علاقة بالسنترال، على فكرة انا من اسكندرية مش القاهرة.

HANY said...

اخى الكريم:

بداية انت بتقول ان الشركة وحشة , وانا معاك فى ده , انما ان السرعه مش وصلالك كويسه , فده مكن يكون العيب فى السلك بتاع التليفون اللى واصل من البوكس ليك , ممكن يكون فيه رطوبه , واللى يبينلك الكلام ده , انك تدخل على الروتر , وتشوف الارقام اللى قدام SNR Margin , وكمان Line Attenuation , وكمان Data Rate , وأهم حاجه التانى ده , لان ده اللى هيبينلك السرعه اللى واصله للروتر , انما الاول والتانى فبيقولولك العيب منين من عندك ولا من السنترال

يا ريت تبقى تشوفها وتقولى , وانا ممكن اساعدك واظبطلك السرعه ان شاء الله بحاجه بسيطه بس نعرف العيب منين

وعلى فكره انا مش مشترك من لينك لانى مبحبهاش لانها هى وتى اى داتا بيقفلوا مواقع معينه , يعنى عاملين فلتر لاى موقع سياسى , زى ابناء مصر فى الخارج , عشان تفتحه لازم تدخل اندر بروكسى , ونصيحه منى قبل ما تدخل دى اس ال على تليفون , لازم تعمله تست الاول ,وتشوفه ينفع ولا لا , والسرعه هتوصل كامله ولا لا , لو وصلت عليه

مطولشى عليك بقى

وتقبل تحياتى

مُزمُز said...

أنا معاك في الحملة المباركة دي من أجل مصلحة الوطن والمواطنين أجمعين

وليكن شعارنا هو:

نــــــــحــــــس

نريد حكومة سريعة

عمرو عزت said...

شكرا لتفاعلكم با رفاق
واضح ان تجمع قوي 5 ديسمبر سيكبر سريعا

اود فقط ان انبه ان بعض الاخوة خرق قواعد التجمع و أثني علي الشركة

و هذا سيمر مؤقتا

أو أن أنبه أيضا أني بالفعل اعتمدت فلسفة ديكارتيه فيما يخص سوء الاتصال
فقمت بالشك في كل شيء قبل أن اتصل بالشركة
و استعنت ببعض الاخوة الخبراء
و شكرا جزيلا للاخ هاني علي عرضه بالمساعدة

الأهم اني ذقت الويل من إهمال موظفي الشركة و غلاظة أقفيتهم
و مواعيدهم المضروبة

انا اقترح ان نصعد الحملة و ان نكتب جميعا عن خبراتنا السيئة مع هذه الشركة
و البادي أظلم
و العيار اللي ما يصبش يدوش
و لنجدد
شعار حملة
لست أدري و أصدقائها

أحب أن أبشركم أن الأمر ليس هينا
فالدعاية السيئة لشركة علي المدونات أكيد تؤثر
اعتفد ان جمهور كبير من المتحولين الي دي اس هم من المهتمين بالنت بشكل كبير و هؤلاء يندر من لم يسمع بالمدونات منهم

و عمليا
أرسلت إلي مسؤولة متابعة المبيعات في لينك رسالة بانها قرات التدوينة
و ان الشركة تعتذر عن اي مشاكل سببتها لي و طلبت رقم هاتف اشتراكي لاصلاح الامور

الموضوع وصل فعلا إذن

جيد

ما أحب أن أقوله انني لا أطب معاملة خاصة
و لكن علي الشركة ان ارادت الاصلاح بالفعل ان تتعاون جديا مع مستخدميها
و ان تحسن خدمتها أو تقفلها أحسن
و في الحالتين ساستريح و سيستريح كل من جأروا بالشكوي هنا

ابدأوا يا زملاء في كتابة مآسيكم
يا إما يحترموا أنفسهم و المستخدمين يا إما يقفلوها أحسن

هذا ما لدي من اقتراح
هل لديكم اقتراحات أخري يا رفاق تجمع 5 ديسمبر ؟
أم نبدأ

اتمني ان يقوم اخ يفهم في امور الجرافيكس بتطوير الشعار
و اقترح تطوير اقتراح الاخ مزمز ليكون الشعار
" نـخـن "
نريد خدمة نظيفة

Mohamed Mehrez said...

معاك يا كبير

بس بردو مقولتليش
يعني ايه طي المنقطع ويعني ايه طي المتصل؟؟
:D

عمرو عزت said...

محرز
طي المتصل و الله اعلم لها دلالات فلسفية و فيزيائية معقدة يسأل عنها السيد الموقر ألف
( أحمد غربية )

اما المعني الذي استخدمته انا
فالطي يستخدم احيانا للاشارة الي الرسائل باعتبارها تطوي
و المنقطع لاني مش متصل
دي واضحة اعتقد

Mohamed Mehrez said...

تسلم يا باشا

وتبا وسحقا -في آن واحد- للينك دوت نت
:D

abu elleil said...

البانر الأول
البانر الثاني

البانرين من إهداء فوزي بانرات
:)

bluerose said...

http://bluerose.egyblogs.com/?p=87
سجلت شهادتي يا عمرو

عمرو عزت said...

أبو الليل
شكرا علي البانرات يارفيق
واضح ان شايل منهم قوي

بلو روز
بارك الله لك يا رفيقة الانقطاع

--
أين شهادات باقي الرفاق المنقطعين ؟

لنرهم بأسنا

محمد خير said...

أخي العزيز
خلليني أقولك على المفيد


أنا مشترك في لينك دوت نت من حوالي سنتين ، واجهت المشاكل دي في الأول وبعدين دلوقتي الأمور كويسة والسرعة مستقرة ولله الحمد

أولا سيبك من موضوع فرمتة الجهاز والكلام ده كل ده تهييسس

الموضوع حاجة من اتنين يا إما المشكلة في سلك التليفون نفسه بين جهازك وبوكس التليفون اللي في العمارة
لو السلك واصلك داخلي يعني من خلال الحيطة دايما هيكن فيه مشاكل لأنه بيكون عبارة عن قطع من السلك ملحومة ببعض ، وده ما بيأثرش على الاتصال التليفوني العادي ولكن بيأثر على الإنترنت
الحل في الحالة دي إنك توصّل سلك التليفون من البوكس اللي تحت إلى التليفون عن طريق الخارج ( من البلكونة أو الشباك ) زي سلك الدش كده

الحاجة التانية سرعة الاتصال بين الجهاز والمودم اللي اديتهولك الشركة واللي هوة غالبا سبيد تاتش
ودي حاجة تانية غير السرعة اللي انت متعاقد عليها
إعمل كليك يمين على أيقونة التليفون بتاعة الاتصال بالإنترنت هتلاقي في ( جينيرال ) مدة الاتصال والحالة والسرعة ، لو السرعة بتزيد على 1 ميجا يبقى الاتصال هيفضل يقطع ( لاحظ تاني انا مابتكلمش عن سرعة النت نفسه واللي هي غالبا 256 ) في الحالة دي تكلم الشركة وتطلب منهم ما يزيدوش سرعة الاتصال عن واحد ميجا ، والأمور هتبقى تمام
ملحوظة أخيرة : غالبا هتلاقي الولد بتاع الدعم الفني اللي جايلك يعرف حد في السنترال بس انت اسأله لأن ده ممكن يفيدك من خلال نقل خطك من بوكس متهالك لبوكس أحسن

إعمل الحاجات دي وان شاء الله الأمور هتبقى تمام

تحياتي

Anonymous said...

^^ nice blog!! ^@^

徵信, 徵信, 徵信, 徵信社, 徵信社, 徵信社, 感情挽回, 婚姻挽回, 挽回婚姻, 挽回感情, 徵信, 徵信社, 徵信, 徵信, 捉姦, 徵信公司, 通姦, 通姦罪, 抓姦, 抓猴, 捉猴, 捉姦, 監聽, 調查跟蹤, 反跟蹤, 外遇問題, 徵信, 捉姦, 女人徵信, 女子徵信, 外遇問題, 女子徵信, 徵信社, 外遇, 徵信公司, 徵信網, 外遇蒐證, 抓姦, 抓猴, 捉猴, 調查跟蹤, 反跟蹤, 感情挽回, 挽回感情, 婚姻挽回, 挽回婚姻, 外遇沖開, 抓姦, 女子徵信, 外遇蒐證, 外遇, 通姦, 通姦罪, 贍養費, 徵信, 徵信社, 抓姦, 徵信社, 徵信, 徵信公司, 徵信社, 徵信, 徵信公司, 徵信社, 徵信公司, 女人徵信, 外遇

徵信, 徵信網, 徵信社, 徵信網, 外遇, 徵信, 徵信社, 抓姦, 徵信, 女人徵信, 徵信社, 女人徵信社, 外遇, 抓姦, 徵信公司, 徵信社, 徵信社, 徵信社, 徵信社, 徵信社, 徵信社, 女人徵信社, 徵信社, 徵信, 徵信社, 徵信, 女子徵信社, 女子徵信社, 女子徵信社, 女子徵信社, 徵信, 徵信社, 徵信, 徵信社, 徵信, 徵信社, 徵信, 徵信社, 徵信, 徵信社,

徵信, 徵信社, 徵信, 徵信社, 徵信, 徵信社, 徵信, 徵信社, 徵信, 徵信社, 徵信, 徵信社, 徵信, 徵信社, 徵信, 徵信社, 徵信, 徵信社, 徵信, 徵信社, 徵信, 徵信社, 徵信, 徵信社, 徵信, 徵信社, 徵信, 徵信社, 徵信, 徵信社, 外遇, 抓姦, 離婚, 外遇,離婚,

徵信, 外遇, 離婚, 徵信社, 徵信, 外遇, 抓姦, 徵信社, 徵信, 徵信社, 徵信, 外遇, 徵信社, 徵信, 外遇, 抓姦, 徵信社, 征信, 征信, 徵信, 徵信社, 徵信, 徵信社, 征信, 徵信, 徵信社, 徵信, 徵信社, 徵信, 徵信社, 徵信, 徵信社, 徵信社, 徵信社, 徵信, 外遇, 抓姦