قررت النيابة اليوم الإفراج عن محمد الشرقاوي مع سبعة آخرين و تجديد حبس 12 آخرين 15 يوما منهم علاء و الزميلات الثلاث ندي و أسماء و رشا .
في الغالب أفرج عن الطلبة فقط تجنبا لـ " صداع " اللجان الخاصة أو الامتحان تحت الحراسة في اللجان العادية .. كان ذلك سيكون دعاية رائعة لحكم السيد رئيس دولة الأمن المركزي و المعتقلات بين صفوف طلبة الجامعة .
لا أصدق أنهم سيفرجون عن شرقاوي المتوقع خروجه صباح غد الأحد ..
فشرقاوي هو المنسق العام للشغب و تكدير الأمن العام في " وسط البلد" .
شرقاوي يكره النظام بشكل عام .. من النظام الحاكم إلي النظام في المظاهرات .. مرورا بكل أنواع النظام المعروفة في العالم كما يبدو من شكل غرفته في الصورة .
بصفتي واحدا من محبي النظام في الغرف و المظاهرات , فشعوري في غرفته أو في أية مظاهرة غالبا يتراوح بين الرغبة في القبض علي رقبة الشرقاوي أو تسليمه للأمن ليقبض هو عليها و عليه .
و لكن لوجه الحقيقة , شرقاوي يفرض نظاما آخر خاصا به في الشارع . حيث أنه يتحول لقلب المظاهرة و مركزها , سواء في تأججها أو فوضاها ... فأحيانا يقود الهتاف و " ينظم " المسير , و أحيانا أخري يتشاجر مع أعضاء الغد – تحديدا - لأسباب مختلفة و متنوعة و طريفة .
لا أعتقد أن شرقاوي سيعود إلي غرفته إلا ليأخذ قسطا من النوم قبل أن يعاود نشاطه ضد النظام بكل أشكاله , و سيبدأ في الترتيب للوقفة مع القضاة الخميس القادم .. سأبحث عنه يومها و سأهتف خلفه و سيضطر للانضباط قليلا لأننا سنكون بجانب القضاة .
قفوا إلي جانب القضاة !
24 comments:
الف مبرووووووووووك
وعقبال الباقيين
انا عرفت كمان ان فادي اسكندر خرج
مفييش أخبار عن مالك؟؟
ما هو طالب هو كمان، مش صايع يعني :)
عمرو
هل فى مشكله تقنية فى مدونتك ولا فى معظم المدونات؟ فلقد لاحظت ان التحميل ابطء ومفيش مكان للتعليق باستثناء هذا البوست، يعنى حاول تدخل على اى بوست عندك تانى حتلاقيه مش بيفتح ، كمان فى مدونات اخرى فيها نفس المشكلة اعتقد
عموما افيدونا وحمد الله على السلامه وعبقال الكل .. ومصر
عقبال الباقيين يا رب
الف مبروووك للكل وعقبال الباقيين يا رب وخصوصا البنات ...
هل فعلا كل اللي افرج عنهم طلاب؟ ولو لأ يبقى ايه هي الاعتبارات ؟؟
على العموم الحمد لله اللي طلعولنا بالف خير وربنا يقويهم ويحفظهم يوم الخميس . لازم يخلوا بالهم من نفسهم لانو اكيد ضباط الامن بيتلككولهم .
سلامي للجميع والف والف مبروووك
شرقاوي صداع لكل الناس ال حوله، بمن فيهم الناشطين. شرقاوي كان صداع حتى للجامعة ال رفدته، لكن كل هذا الصداع لا يخدعني. أحيانا أمسك به على رواق، وأرى فيه صراحة حقيقية، وتواضعا كثيرا واحتمالات أكثر.
يا أهلا يا أهلا يا شرقاوي.
الف مليون مبروك وعقبال الباقيين
عقبال الباقيين
و حدما لله على السلامة مقدما لشرقاوي
"بصفتي واحدا من محبي النظام في الغرف و المظاهرات , فشعوري في غرفته أو في أية مظاهرة غالبا يتراوح بين الرغبة في القبض علي رقبة الشرقاوي أو تسليمه للأمن ليقبض هو عليها و عليه .
"
لو الصورة في غرفته يبقى سبب الافراج عنه مش التخلص من دوشة الامتحانات
حمد الله على السلامة ويا ريت يحكى لنا عن ذكرياته هناك بإعتباره شاهد عيان...أيمن كمال
حتى مساءالاحد: مباحث امن الدولة لم تطلق المعتقلين الثمانية الذي أفرجت عنهم النيابة مساء أمس السبت ..!!
to sharkawy
wa7shtny ma3a 2nk mat3rfnysh we 3omry maklmtak.bas kont bashofak fy tal3at 7arb we 2mshy ahtef warak we ana sa3eda we 7asa 2n fieh 2ml.
7amdallah 3ala elsalama we fe3lan washtny
الف الف مبروك...
مع ان المفروض انهم كانوا يطلقوا معاهم سراح البنات ..
بس ده خبر مفرح جدا
على الله الباقين يارب
انا مش عارف اقول اييه غير انى مشغول فى دراستى وامتحاناتى بره القاهرة وعشان كدة بس انا غايب ولولا كده اكيد كنت عمرى ما اغيب وحتى الرد بتاعى متاخر قوى بس هاكتبه و اسمحولى اتكلم كانى عارفكم لانى بجد حاسس انى عارفكم واحد واحد من كتاباتكم و كلامكم عن بعض و بلوم نفسى قوى انى ما ذاكرتش فى ثانوى و جبت درجتين زياده اكون بيهم وسطكم وواحد منكم (على فكرة انا فى طب اسنان مش معهد لم الدودة زى ما حد ممكن يكون فهم)و اسف قوى ان عمرى ما كتبت قبل كده لحد فيكم بس ده لانى اخر واحد فى الدنيا بيحب يكتب ده حتى الشعر و القصص بتاعتى و ابحاث الكلية بسجلها صوت والبركة فى اى تايبيست بعد كده وفى الامتحانات بجاوب السؤال اللى اجابته اقصر حتى ان كان اصعب او مش فاكره كويس و بعد ما عرفتكم بنفسى ابارك لشرقاوى الاول ومش عارف اكون زعلان عليكم واواسيكم ولا اباركلكم بس اللى اكيد انى باحسدكم انا كنت دايما بقول لنفسى فى كل مشكلة وكلمة بقولها جوة الجامعة امته تكون كسبت و امته تكون خسرت لما تعتقل وكنت باجاوب واقول لما اتنين بس يفهموا ويعرفوا الحقيقة وبعدها حتى لو مت عشان قضيتك تكون كسبت لان قضيتك برغم انها خسرتك الا ان انصارها زادوا واحد وده الاهم و عشان كده انا بقولكم انتم كسبتم ما خسرتوووووووش فى شباب كتير ابتدا يفوق و يشوف بجد و بقول لاسماء وندى و رشا و عبير انتم كمان كسبتم اكتر لان اللى حصلكم جرى الدم فى عروق ناس اكتر عشان كده هقول مبروك وعاوزكم تفضلوا فاكرين العسكرى الاسود بتاع يوسف ادريس و د/بالمى لباييخو الكلاب دى بتتعذب وعذابها اكبر من عذابنا بكتير عشان كده هم الخاسرانين فى الاخر ومبروك للباقيين اكتر على الصحبة وفى ده بقى خايف عليكم من عينى اللى هتطلع عليكم وكل ما المده زادت باحسدكم اكتر صاحيين نايمين اكلين شاربين مع كل اسم الواحد حبه و شاف فيه ايمان بقضية و مبدا ايا كان يسارى اخوان ناصرى كفاية مش مهم المهم هو مصري بجد هو واحد حب مصر زى ما شافها وعشان كده حتى لو فى منهم بختلف معاه فى فكر الا ان الواحد يتمنى دقيقة معاه فما بالكم بايام يا بختكم بجد واوعدكم ان فى اللى هيكمل الطريق واكيد هنتقابل فى يوم بس مش عارف اييه اللى حيحصل الاول انى احصلكم ولا ربنا يفك اسركم بس حريتنا كلنا قربت وده الاهم و يلا سلام
فوضاه.. نظام
شرقاوي: وجه آخر لهذا الوطن... شاب عمره "ولا ألف عام" على حد تعبير الشاعر صلاح جاهين
وأيضاً: بين ضلوعه زحام
لكنه يقف مثل شجرة السنديان.. ويصمد.. ويمنح الآخرين أملاً في التغيير
يا عمرو... فلنتواصل أكثر
مبروك خروج المعتقلين
وللعلم يا عمرو ردى على تعليقك على موضوع البهائيين ان لهم قضية تجسس بالفعل سنة 1960
بلوروز :
فعلا شكله كده قبل لهم نظام السجن
لو ما كانش حتي طالب كانوا افرجوا عنه لاسباب تتعلق بحفظ النظام العام
ياسر :
يسعدني التواصل معك يا سيدي
هنا علي المدونة او علي الايميل ان احببت
عماد :
ردي ان هناك مسلمون ادينوا ايضا بتهمة تجسس و اخذوا جزاءهم
ماذا يعني ذلك ؟
من ادين بتهمة التجسس يأخذ جزاءه وفق
القانون
باقي اعضاء الطائفة في مصر او العالم لا شان لهم
و لا علاقة لذلك باعتراف مزعوم بمتعتقدهم من عدمه
احب ان اضيف ان اقصاء الاقليات و تمهيشهم هو السبب في كون بعض قضايا التجسس و غيرها تاتي منهم
لان العدو يعتبرهم الحلقة الاضعف و الاقل انتماءا لتهميشهم و احساسهم بالاضطهاد
نحن اذن من نصنع ذلك ثانية
تحياتي لك
علي فكرة مالك خرج
صدر فعلا قرار الافراج عن مالك
و لكنه الان في سجن طرة
توقع مصادر في مركز هشام مبارك انيفرج عنه غدا
او يتم ترحيله للاسكندرية ليفرج عنه من هناك
هذا يتوقف علي منسوب السخافة عند الحثالة لحظة القرار
عقبال الباقي و ياريت حد يعلمه يوضب اودته
يا فرحه ما تمت
خدها العسكري وطار
الحكومه افرجت عن 41 طال حتى الان منهم من خرج والباقى لم يستكمل اجرائاتهم
للأسف شرقاوى اتسحل وربنا يستر عليه
حمدالله على السلامة 00 سعدت برؤيتك وزملاءك على الجزيرة 00 لأني باقرألكم من وقت ظهوركم 00 ربنا يوفقكم انتم شباب يرفع الراس heba
Super color scheme, I like it! Good job. Go on.
»
Excellent, love it! How much is business insurence sexy babes.tv asses Xanax adverse effects
Post a Comment