18 May 2006

علاء أقرع .. و مالك نزهي



أخبرتني مني شقيقة علاء , بعد زيارتها الأخيرة له في سجن طره , أنه و باقي المعتقلين في حالة جيدة و روحهم المعنوية مرتفعة للغاية و كثيرون منهم كتبوا علي صدور قمصانهم : " يسقط مبارك " و " تنظيم 30 فبراير " !
مني أكدت لي الأنباء عن حلق شعر علاء . لست أدري هل هو حليق بالكامل أم فقط قاموا بتقصير شعره .. ولكن خلها " أقرع " تمشيا مع تقاليد الإثارة الصحفية و لأن " القافية " أيضا تحكم .
رغم ذلك علاء بخير , و إن كنت أظن انه يفتقد , اكثر ما يفتقد , حاسبه الشخصي ... بعد منال طبعا .
أما مالك فقد أرسل لي رسالة مع مني فيها سلامات للجميع وطلب مني أن أرسل إليه كتبا و روايات ... و أردف أنه يفضل روايات ماركيز .
يبدو أن مالك – طالب الفلسفة - لا يجد متعة في قراءة كتب المنطق الرمزي و علم الجمال داخل سجن طره ... سأرسل له " مائة عام من العزلة " !

الصورة أعلاه من أحد اجتماعاتنا العفوية في منزل علاء .... غالبا كانت ليلة 30 فبراير الماضي ... ساعتها كان مالك يعد لنقل مدونته لدروبال .. و علاء يشرح له كيفية التعامل مع النظام الجديد .
واضح أن مالك يبدو عليه الفهم التام لما يقوله علاء !

تخيل تلك الصحبة الرائعة هناك ... خمسون زميلا علي مجموعتين يقضون وقتهم في الثرثرة و القراءة و الغناء .
اليوم .. فرصة أخري لمن يريد أن ينضم إليهم !


26 comments:

Anonymous said...

30 فبراير نشرت الخبر ده من زماااان ياسيد...وبعدين لم تحط لينك ل 30 فبراير ابقي حطة لصفحة 30 فبراير
اعمل حسابك علي طبق فول من عند الفقي
لو الغطلة ديه اتكررت تاني
يا سيد

الافغانى said...

علي فكرة طلاب الفلسفة مفروض يقروا كل حاجة وهل حضرتك من تنظيم 30 فبراير

ahmad said...

يا جماعة انا عايز اسجل إن في الإيام دي ، بتحصل ظاهرة إرهاب للمدونين ،الكلام كتير في المدونات عن إنهم حيجيبوك ، و حيعلرفوا ال آي بي بتاعك ، ثقافة الخوف دي ، انا شايف إنها خطر جدا ،و مافيش داعي نعممها أبدا ، دي لعبة الحكومة ، ياريت - في رأيي - نعمل العكس ، و نشجع الناس إنها تكتب ، و نعمل حركة حقيقية ، بكل اللغات و الأشكال ، أنا ملاحظ ناس كثير ابتدت تِكِش من الكتابة ، ما حدش حيعمل حاجة في اعتقادي ، هما جهلة ،و ماعنهومش أي تكنولوجيا للتريسنج ، و ملاحقة الناس رقميا ، بلاش نكبر الموضوع

Kareem Alkaseer said...

Well, you may be right, Ahmad. But when I came up with The List I was thinking of two things:

1) how to make blogging about political and societal scenes in Egypt stronger

2) how to eliminate potential threats

I think The List qualifies for both aims. Even without threats we need to make blogging stronger. So we don't we deploy the idea?!

bluerose said...

شدني العنوان بجد
بس طمنتني يا عمرو على احوالهم

عمرو عزت said...

شاكوش
أنا أشكك في كون صفحة 30 فبراير تعبر رسميا و شرعيا عن حركة 30 فبراير
و انا من موقعي هذا اعلن ان الحركة لا زالت في طور التأسيس و لا أحد يشغل فيها أي موقع سواي لأني نصبت نفسي متحدثا رسميا باسمها
انتهي

boring lips
فكرة القائمة جيدة
و لكن علينا ان نستمر في ممارسة حريتنا و بكامل الاعلان عن هويتنا - لمن احب
و من يرد اخفاؤها فهذا شأنه
و لكن فيما يتعلق بالجانب السياسي للتدوين
فحركة التغيير كلها الان قائمة علي العلنية و التحرك المفتوح
مع استثناءات قليلة
يجب علينا الا نتراجع خطوة الي الوراء بلا مبرر
بالاضافة الي ما قاله أحمد
فان علنية الحركة و علنية بعض المدونين تعطي الامر مصداقية اكثر
و تشجع الناس اكثر علي التعبير الحر


علي العموم فكرة القائمة جيدة
و كنت اقترحت علي هلاء من قبل ان يتيح في المجمع امكانية تصنيف التدوينات
ليمكن تصنيف التدوينات الخاصة بالسياسة في مصر و حركة التغيير علي وجه الخصوص
بحيث يمثل ذلك ارشيفا للاحوال المصرية باقلام المدونين
علاء اخبرني ان تلك الخدمة موجودة في
del.icio.us
للمدونا و غيرها
يمكنك ان تصنف تدوينات و غير ذلك تحت تصنيفات ما
و لكن لا زلت اري ان فكرة جمع التدوينات المصرية في هذا المجال هام

الافغاني
طبعا طلاب الفلسفة يقرو اكل حاجة
بس لو ما قراش المواد المقررة عليه هايسقط

بالنسبة ل30 فبراير
فزي ما قلت لشاكوش
انا متحدث رسمي باسم المجموعة الي حين خروج المعتقلين و عقد المؤتمر العام للحركة
اي كلام تسمعوه عن 30 فبراير من اي مكان هو كلام غير رسمي و غير شرعي و غير معترف به
- راجع التدوينة السابقة -
و هو تكدير للامن العام يوجب علي صاحبه الحبس 15 يوما علي ذمة التنكيل


bluerose
الخوف الايام دي علي اللي بره
في الحقيقة لولا المشاغل انا نفسي ادخل جوه
كنت قلت قبل لك علي رغبتي الدفينة دي قبل موجة الاعتقالات

ibn_abdel_aziz said...

سلامي للجميع في السجن يا جماعة
وخاصة مالك وعلاء
يا ريت اي حد بيزورهم يقوللهم شريف عبد العزيز بيسلم عليكم جدا جدا جدا

بجد

Kareem Alkaseer said...

Hello Amr,

I just want to ask you a question. Does The List mean that we are pulling back?

I don't think so. We are just summing up the work of many people. And try to introduce blogging to those who don't blog. Besides, the blogs in The List do not contain many personal issues. So, a non-blogger can concentrate on the issue itself.

The List doesn't encourage people to go anonymous, the case is exactly the opposite. It encourages people to go public.

I am not sure if del.icio.us is popular enough. But I have just known about it from you.

I hope you are going to help The List to grow.

عمرو عزت said...

لا مشكلة
لقد قلت ان فكرة القائمة جيدة
انا كنت اعلق علي نقطة اخفاء الهوية التي اثارها احمد
و هذه نقطة غير جوهرية في القائمة

ما اقترحه هو فكرة ربط التدوينات نفسها
لان المدونات التي في القائمة الان اصحابها يدونون عن الشان العام و الخاص علي السواء
و هناك مدونون لا يهتمون بالسياسة بشكل خاص احيانا يقدمون تغطيات لما يقع في خبرتهم اليومية و يتعلق بالسياسة

ا من يمكنه ان يستخدم المجمع عند منال و علاء لجمع التدوينات التي تغطي او تناقش الاحوال السياسية في مصر
فرايي انه سيكون اجدي

و لكن تبقي فكرة القائمة جيدة
و لكن اعتقد انها تحتاج اشياء لتحقق غرضها
اولا
url
قصير مستقل

ثانيا
متابعون
يربطون التدوينات الجديدة الهامة
بالاضافة للقائمة الثابتة للمدونات المهتمة بالشان العام

اعتقد انه يمكن بهذا ان يصير موقع القائمة معبرا للتدوين السياسي و الاجتماعي في مصر

و يمكن تسويقه كعنوان واحد ينقل صوت المدونين السياسي للاعلام و غيره

4thH said...
This comment has been removed by a blog administrator.
Anonymous said...

سمعت ان يوم الجمعة مكنش في ولا مهندس في وسط البلد
بيقولوا ان تأشيراتكم منتهية وانكم هجرة غير شرعية
اه موقف 30 فبراير من الموضوع ده
وبعدين ايه موضوع ان المدونات متراقبة صحيح المونات متراقبة يا عمرو؟

bluerose said...

"الخوف الايام دي علي اللي بره
في الحقيقة لولا المشاغل انا نفسي ادخل جوه
كنت قلت قبل لك علي رغبتي الدفينة دي قبل موجة الاعتقالات
"

عارفة ان نفسك تكون جوة من قبل الاعتقلات , عشان كدا بعد كل حملة اعتقالات باقلق عليك انت تحديدا

مش هانستفيد اي حاجة بدخول صديق كمان يا عمرو

Kareem Alkaseer said...

Well Amr, you are right that the The List should stand alone and maintained. This is what we are intend to do actually.

Kareem Alkaseer said...

But you know, I think that putting The List on Manal we Alaa's web site doesn't make it stand alone either.

And I guess that to make the List potential representation of Egyptian political and societal blogging everyone should participate including you.

سؤراطة said...

حلو العنوان
يا رب مالك وعلاء يضحكوا لما يخرجوا على العنوان وعلى الأيام دي كمان شوية، وما يخرجش واحد فيهم بعلامة في نفسه أكتر من الشعر المحلوق ...

عمرو عزت said...

(يحيي ( اللي هو شاكوش

بس شفت ازاي لينا هيبة
ما فيش و لا معتقل من المهندسين اليوم ده

ايه حكاية المدونات متراقبة دي اللي انت بتروجها
يراقبوا ايه ما هو كله ع المكشوف

و بعدين لو حتي المدونات متراقبة
احنا ما بنخافش
و لا ايه يا يحيي
انت بالذات ما حدش يعرف انك ساكن في 23 ش بورسعيد الدور الثامن
خايف من ايه ؟


bluerose
فعلا مش هانستفيد حاجة من اعتقال ناس تانية
بس هي تجربة
و الواحد لازم يكون مستعد لتقبلها ما دامت محتملة
لحد ما ربنا يزيح الغمة


BORING LIPS
جميل
هو المشكلة ان فيه افكار كتير و وسائل كتير و الناس اللي بتشتغل قليلة
ممكن انت تبلور فكرتك دي و تبدأ و توضح للناس كل واحد ممكن يشارك ازاي
و هتلاقي
و انا معاك


سقراطة
هايخرجوا اكيد بشيء جديد
تجربة جديدة
مهما كانت قاسية اكيد فيها جوانب مفيدة و جميلة كمان

Kareem Alkaseer said...

It is taking place aleady really. There are contributers too. It is just clear I guess.

عمرو عزت said...

تمام
اذا كان الموضوع نبعت مدونات تانية مهتمة بالسياسة نضيفها للقائمة
فمفيش مشكلة
انا قصدي لو هاتطور الفكرة اكتر

SOLITUDE® said...

"ساعتها كان مالك يعد لنقل مدونتهلدروبال .. و علاء يشرح له كيفية التعامل مع النظام الجديد .
واضح أن مالك يبدو عليه الفهم التام لما يقوله علاء !"

هههههههههههه
ده انا فاكر ان مالك ايامها كان قاعد يسب ويلعن عشان مش فاهم حاجة في الدروبال
ربنا يرجعه بالسلامة
وحشني والله

Kareem Alkaseer said...

Don't worry about it.

Anonymous said...

ممكن تاخدله كمان رواية "الرجل الذي باع رأسه" اصدار دار المعارف

ربنا يفك أسر الجميع قريبا ان شاء

عابر سبيل said...

قلبي مع هؤلاء المدونين في محنتهم
وسحقا للاستبداد والقمع

Anonymous said...

Very pretty design! Keep up the good work. Thanks.
»

Anonymous said...

Hey what a great site keep up the work its excellent.
»

Anonymous said...

Best regards from NY!
» »

Anonymous said...

Enjoyed a lot! » » »