كارتباط شرطي ما بالرقم 15 عند الاعتقالات , حملت الأخبار في البداية نبأ اعتقال 15 من نشطاء التغيير , من شهود النفي و المتظاهرين أمام محكمة جنوب القاهرة بباب الخلق .
بعد إخلاء سبيل ثلاثة هم: سارة عبد الجليل و محمد عواد و ياسر عباس ,المعروف من أسماء معتقلي الدفعة الرابعة الآن ثمانية, هم : علاء سيف و أسماء علي و كريم الشاعر و ندى القصاص و رشا عزب و فادي إسكندر و أحمد عبد الغفار و أحمد عبد الجواد .
كالعادة , تم ترحيلهم إلي نيابة أمن الدولة بمصر الجديدة و تم حبسهم 15 يوما علي ذمة التحقيق , بعد أن وجهت إليهم تهمتي إهانة الرئيس و تكدير الأمن العام !
وائل عباس سجل لحظات ما قبل الاعتقال , و الصورة أعلاه نقلا عنه بها معظم المعتقلين . وائل نجا أيضا هذه المرة !
أعتقد أن الأمر يحتاج وقفة أكثر جدية , و تنسيقا بين " كفاية " و كل حركات و مجموعات التغيير لتنظيم فعاليات احتجاج جدية علي هذه الهجمة التأديبية , بدلا من سيل الفعاليات المتناثرة ذات الـ 20 مشاركا و التي تتسبب حتي الآن في مزيد من الاعتقالات و الهدر لجهود الحركة .
19 comments:
وأن يزيد الثمن السياسي للاعتقال يا عمرو
بتواجد شخصيات مشهورة وسط النشطاء وليكون الخبر "اعتقال قيادات من المعارضة" بدلا من خبر صغير يقول " اعتقال كام واحد كمان من كفاية"
ده وقت أبطال النضال التلفزيوني يرجعوا الشارع
عندك حق يا عمرو و اللي كتب الكومنت هو كمان عنده حق إحنا لازم ننظم حاجة قوية ننزل بيها و ياريت يكون الموضوع ده يوم الخميس .. ولازم أبطال نضال الشاشات و الفضائيات ينزلوا معانا الشارع ..مينفعش الشارع يضيع من ايدينا
الشارع مبيضعش يا جماعه بس فعلا محتاجين تنظيم
دول كده بيلمونا واحد ورا التاني
وكده مش هينفع
لازم تنظيم لازن تنسيق للكل مع بعضه
وحسبي الله ونعم الوكيل
عندك حق يا عمرو، انا بقى لي كذا يوم بسأل نفسي هو موضوع القضاة ده ملهوش أهمية للدرجة اللي تخلي كل التيارت تستغل الحدث ده عشان تتحرك؟!!
حركة كبيرة زي الاخوان المسلمين ليه متحركتش في موضوع زي ده؟؟!!
ليه مش قادرين نعمل مظاهرة يكون عددها فوق طاقة الأمن
هل عشان دلوقتي فترة امتحانات وكل الطلبة مشغولين في الاستعداد للامتحانات؟؟
اللي حصل امبارح ان 30 واحد بس هم اللي كانوا في المظاهرة
انا عن نفسي مش هقدر انزل مظاهرة فيها 30 واحد عشان يتقبض عليا في وقت زي ده
لكن لو العدد والتحرك كان كبير والكل بيتحرك أكيد هشارك
ده مش جبن والله
لكن المفروض يبقى في عقلانية وأخذ بالأسباب، اما كل 30 او 40 واحد يتاخدوا كل شوية يبقى ايه لازمتها؟؟ هي دي الوطنية؟!!
لازم يبقى في تنظيم وتعاون بين كل التيارات خصوصا التيارات الكبيرة زي الاخوان وكفاية
وياريت فعلا نشوف الناس الكبيرة اللي بترغي كتير عن كلام كبير مبنفهموش
عزيزي عمرو عزت انا متابع من بعيد لرأيك دائما و لكن هذه المره لا يمكنني اخفاء اعجابي بك كشخص محترم مثقف وطني
الله يباركك
انتوك
يا تري النظام هيكون ايه يوم الخميس الجاي 11 مايو؟؟
هل العدد هيكون قليل بردو زي المرات اللي فاتت
ولا هنشوف تجمع كبير خصوصا وان كل الحركات دي أعلنت عن هذا اليوم
كل القوى الوطنية المصرية الشعب المصري بكافة فئاته إلى الاحتشاد يوم الخميس 11 مايو في العاشرة صباحا أمام دار القضاء العالي بالإسعاف في يوم جلسة المحاكمة التأديبية للقاضيين محمود مكي وهشام بسطويسي عقابا لهما على دفاعهما عن استقلال القضاء وفضحهما لتزوير الانتخابات البرلمانية الماضية.
جماعة الإخوان المسلمون
حزب الاشتراكيين المصريين (تحت التأسيس)
حزب التجمع الوطني التقدمي الوحدوي
حزب العمل
حزب الغد
حركة الكرامة العربية
منظمة الاشتراكيين الثوريين
الحركة المصرية من أجل التغيير (كفاية)
الحملة الشعبية من أجل التغيير (الحرية الآن)
اللجنة التنسيقية للحقوق والحريات النقابية
حركة 9 مارس من أجل استقلال الجامعات
أدباء وفنانون من أجل التغيير
محامون من أجل التغيير
شباب من أجل التغيير
صحفيون من أجل التغيير
أطباء من أجل التغيير
المحامون الديمقراطيون
--------------------------------------------------------------------------------
كونوا معاً...وإلا وقفوا ضدكم معاً
دروس التاريخ القريب تقول إن "الثورات" التي جرت في جورجيا عام 2003 وفي أوكرانيا عام 2004 وفي قرغيزستان عام2005 - بغض النظر عمن حملت إلى السلطة- لم تكن لتحقق نجاحاً لولا أن مئات الآلاف خرجوا إلى الشارع الذي أصبح ساحة اعتصام إلى أن اضطر من يمسكون بتلابيب السلطة غلى الإذعان لرغبة الشعب
وبدون الوعي العام والتحرك الجماهيري الكبير..ستظل الكلمة الأخيرة لأصحاب اليد السفلى
أعتقد ان التنسيق بدأ و فاضل المشاركة تبقي كبيرة
لان ده تأمين لكل الناس
أتمني فعلا " الكبار " ينزلوا الشارع مش كفاية وجودهم في الفضائيات
بس الاهم المشاركة
محمد عبد القدوس و يحيي القزاز موجودين علي طول و ما دام العدد قليل بينضربوا و بعدين يسيبوهم علشان المشاكل
أتمني يا محرز يكون يوم الخميس يوم حاشد و يكون رد علي الهحمة القذرة دي
مئات الالاف يا ياسر
يسمع من بقك ربنا
مدونة علاء مغلقة ؟؟
لا مش مغلقة
هي بطيئة التحميل قليلا
بالنسبة للرابط اللي في التدوينة تقريبا منال ألغته لان كان فيه معلومات مبدئية مش صحيحة تخص الرقم 15
قبل ما يتضح الرقم الصحسيح
عمرو.. معلش كان عندي سؤال
بالنسبة لمالك وفادي اسكندر أو أي طالب من المعتقلين
موقفهم ايه السنة دي من الامتحانات؟؟
هل هيسمحوا لهم بدخول الامتحانات؟؟
من حقهم يمتحنوا
حسب معلوماتي ده ممكن يكون في لجنة خاصة
او بيمتحنوا في الجامعة تحت الحراسة
اي حد يعرف طالب من المعتقلين و عاوز يساعده
يجيب جدول امتحاناته مختوم من كليته
مع ورقة تفيد ان الطالب الفلاني مقيد في الكلية و القسم و السنة الفلانية
ده علشان المحامين يقدروا يرتبوا الامور اسرع
الاوراق دي تتسلم لمركز هشام مبارك
للاسف انا مش عارفة حد من المعتقلين لكن انا على اتم استعداد انى اساعد فى حكاية جداول الامتحانات وختمها من الكلية لو كانت تابعة لجامعة القاهرة
من فضلك عمرو .. لو فيه اى معتقل من جامعة القاهرة ومحتاج لجدول امتحاناته مختوم علشان يمتحن بلغنى وانا هاجيبه ان شاء الله واسلمه لمركز هشام مبارك
حبيت اشارك ولو باضعف الايمان
موقع التغيير ينتج أغنية مخصوصة للمعتقلات في سجون مصر
رابط الأغنية
http://taqhier.net/songs4.php
violena
لجنة الاعاشةو المهندس عادل واسيلي هم الذين ينسقون الجهود و معهم قوائم بالمعتقلين و احتياجاتهم و اسماء الطلبة منهم و بياناتهم
يمكن الاتصال بهم في مركز هشام مبارك
5758908
او م/ عادل واسيلي
0101013621
شكرا لاهتمامك
Thanks Amr .. I'll do it in shaa Alla
فكرة واتتنا كأصدقاء حول عمل صفحة مفتوحة للجميع لكي يكتبوا فيها ، حيث يقوم كل زائربوضع خطابا للحكومة ، بدون أي موضوع مسبق.. أو حدود للكتابة ، كمحاولة للتنفيس عن مشاعرنا ، و لتجمع هذه الصفحة - التي لا يملكها موقع او بلوج او شخص - حقيقة آرائنا جميعا تجاه الحكومة و افعالها،
شارك و اكتب خطابك على هذا العنوان
http://www.ultraguest.com/view/1147771300
What a great site, how do you build such a cool site, its excellent.
»
Post a Comment