08 January 2012

عزيزي شريف .. فكك من اللي إنت فيه!


عزيزي شريف ،،

ظنك في محله. الاحترام الشخصي المتبادل بيننا لا يزال قائما. وأرجو ألا تأخذ محاولتنا إفساد مؤتمر شفيق في امبابة مأخذ الجد.
نعم لقد حاولنا إفساد مؤتمر شفيق الذي تنشط في حملته،، ولكنه كان فاصلا فكاهيا بالنسبة لي، وإن كان جوهريا لأن الثورة لا تعني لي سوى تعبيرنا عن احتقارنا المستمر والحاسم لولاد الوسخة. وهو ما حدث.
يا شريف، قرأت لك الكثير من التبرير لوجودك إلى جانب الفريق شفيق. وبسببها تحديدا خففت قليلا من تصنيفي للناس أوقات الثورات إلى ثوار يواجههم ولاد وسخة. واضفت إليه: ناس ضايعة!
ولكن لا يمكنني أن أتجاهل أن "الناس الضايعة"، رغم كل الاحترام الشخصي والود وربما الشفقة، إلا أنهم في النهاية يصبون في معظم الأحيان إلى جانب ولاد الوسخة.
جنود الأمن المركزي وجنود الجيش الغلابة الذين شاركوا في قتل رفاقنا وإصابتهم هم أفراد ضائعون لكنه في النهاية مجرد حشود وجنود ولاد الوسخة. ولا يمنعني التعاطف الشخصي مع أحدهم، لدرجة الجلوس والبكاء بجانبه على حاله فيما بعد، أن أرميه بالطوب وقت المواجهة وأن أركل درعه وخوذته.
لن أناقشك بشأن شفيق وكفاءته، لا قدرة لي على تقييم التقارير عن أداءه في مجال الطيران المدني، وإن كنت أرى أن حال مطار القاهرة ومصر للطيران خرا، وحقائبي تاهت مرتين! ولكن هذا ليس موضوعنا.
الموضوع ببساطة يا شريف أن هناك ثورة، آه والله، أصرت على البدء في الإطاحة بنظام من الاستبداد الذي يحمي كل أشكال التسلط والفساد والبلادة، ورحيل مبارك كان فقط مجرد إشارة البدء لانطلاق الثورة ضد النظام، وشفيقك كان مجرد رجل نظيف اليد وكفء في عمله، بفرض صحة كل كلامك، ولكنه في النهاية كان مجرد بيدق شطرنج حرّكة ولاد الوسخة، بل مبارك شخصيا، ابن القحبة نفسه، في محاولة لمحاصرتنا شعبيا بدفع رجل نظيف لواجهة النظام مع العديد من الوعود بشان الديمقراطية. وبعدها كان ما سيحدث هو بعض الإصلاحات وتطهير لواجهات النظام وتطهير للبلد منا نحن وكل من شارك وحرض وأرادها ثورة.
إنت شايف اللي بيحصل دلوقتي لصحابنا مالك وعلاء يا شريف! كان ايه اللي هايحصل لو كان مبارك لسه موجود وشفيق بتاعك ما كانش حل جهاز أمن الدولة؟ ما تفوق يا شريف!

شفيق في أحسن الأحوال مجرد بيدق عبيط في فريق ولاد الوسخة، إن لم يكن ابن وسخة أصيل. ولاد الوسخة ليست سبة ولا قلة أدب، ولكن منهم أهالينا وجيراننا ومواطنون شرفاء كثر لا يجدون غضاضة في التسلط والاستبداد من أجل الأمن والأمان والاستقرار. تماما كما كان شفيق وزيرا ثم رئيس وزراء يحترم مبارك، أي واحد يحترم مبارك يا شريف يبقى ابن ستين وسخة! فوق يا شريف!

أي موظف شاطر كان جنب مبارك وساكت علشان يعرف يعمل شغله وبيعارض مبارك في سره وبينه وبين ربنا، ربنا يجازيه خير يا روح قلبي. لكن أنا شايف إن دوري إني أقوله مش عاوزين من العينات دي تاني علشان ولاد الوسخة اللي زيك بيشجعوا ولاد الوسخة الأوسخ منهم على الاستمرار والاستقرار. لما تبقى تعرف تقول لأ ده غلط، ده فساد، ده استبداد، تبقى تيجي تشتغل سياسي وترشح نفسك. معلش هارد لك فرصتك راحت المرة دي. تقاعد بقى يا هزؤ وما تهزأش نفسك.

ما حاولنا فعله يا شريف يوم مؤتمر امبابة أننا قلنا له: ارحل زي مبارك.ما إنت كنت بتلعب في فريقه يا جحش! ما كنتش تعرف يا حمار! مش كنتم مع بعض، سواء ولاد وسخة زي ما بنقول أورجال دولة أطهار من داخل النظام، مش حرامية زي عز مثلا، هأو! مش عيب لما مبارك يسقط ويتقلب على ضهره والثورة تفرض وضع جديد ييجي هو عاوز يبقى رئيس! دي أخلاق ولاد وسخة صحيح!
يا شريف، فكك من اللي انت فيه ده وارجع، وفكك من موضوع "الرجل البنائي الجميل” .إنت جاي في فبراير تمسك في شفيق وتقول لي بنائي. أحا يا شريف! ما تعرفش إن الثورة بتهدم وتكسر في السلطة الاستبدادية وبتقطع أذرعها؟ ما تفوق يا بني!

فكك من اللي انت فيه ده يا شريف. آخر حاجة كنت أتصورها وكويس إني ما شفتهاش بعيني إني أشوفك جنب البنائيين الإصلاحيين الحلوين اللي بالصدفة بعضهم من كبار المعرصين في الحزب الوطني في امبابة، اسأل لو ما تعرفش!
كنا مع بعض قليلين زمان ضد ولاد الوسخة يا شريف، دلوقتي جموع أكثر في كل مكان مع الثورة ومع الحرية وضد ولاد الوسخة. ولكن لا تزال الأغلبية مع أي استقرار وتعطي صوتها لأقرب استقرار ولأقوى بديل في الصندوق. إرادة الصناديق هي اللي بتشكل موقفك يا شريف؟!
كنت معنا في الحملة لمساندة حق البهائيين في المواطنة وأنت تعلم أن استفتاء شعبيا كان سيهرسهم. الصناديق ليست إلا ضربة بداية وأداة للديمقراطية، التي تحتاج طوال الوقت لأقلية من الأحرار لتجعل المجتمع والدولة يخافان من انتهاك الحرية، التي يمكن أن تنتهك ببساطة وبشكل أبشع باختيار أغلبية الصناديق أو صمتهم. سمعت عن الفاشية يا شريف؟
الأغلبية في الشارع كانت واقفة تتفرج يا شريف، لكن كانت هناك، كما هو الحال دائما، أقلية عنيدة أكثر وحالمة أكثر ومؤمنة بالثورة، زي الست اللي ما أعرفهاش اللي بتقول عليها اللي شتمتكم من البلكونة. أنا ما أعرفش كل حاجة عنها، لكنها اختارات تكون مع الثورة و ما كنتش أتمنى ييجي الوقت اللي ست من بلكونة في امبابة تبقى في صفنا وإنت تبقى مع الناس اللي طلعت تشتمهم وتقول لهم يا فلول يا زبالة وتدلق عليهم مياه وسخة!
ارجع يا شريف!

26 comments:

Anonymous said...

هذا هو بيت القصيد
"ما كنتش أتمنى ييجي الوقت اللي ست من بلكونة في امبابة تبقى في صفنا وإنت تبقى مع الناس اللي طلعت تشتمهم وتقول لهم يا فلول يا زبالة وتدلق عليهم مياه وسخة!
ارجع يا شريف!"
أنا كمان كمدون بارت تايم أو بتمسح في المدونين ساعات لم أكن أتخيل أن بدايات ابن عبد العزيز الرائعة تكون مقدمة لهذه النتائج المخجلة.أنت حر طبعاً يا شريف، وأعرف أنك مبسوط جداً بالاقتراب من الرجل ومصافحته ومقابلته في المنزل والتحاور معه، والحق يقال أنه شخصية آسرة، لكن الجوكر في فيلم باتمان الأخير كان كذلك بالمناسبة، وحسني مبارك لو قعدت معه في جلسة صفاء كنت ستحبه جداً إلا أن هذا لا ينفي كونهم جميعاً ولاد وسخة على رأي عمرو
يا شريف انبهر كما تريد ، ومنطق ما ليس له منطق وأعطه أبعاداً أكثر منطقية بالنسبة لك فستظل بالنسبة لنا عبثية وسيظلون ولاد وسخة.يعرف المرشح بمن يرشحوه يا شريف، وأنت تعلم جيداً من يرشح شفيق ويتمناه ويريده، وتعلم أكثر من الجميع أن هذا الرجل يداه مليئة بدماء موقعة الجمل التي جلس يتابعها ثم خرج ليؤكد أنه لم يكن يعلم عنها أي شئ، ولو انتصر مبارك في موقعة الجحش كان شفيق سيخرج ليؤكد أن كل من في ميدان التحرير ولاد وسخة وليس مثلما يتمسح فيهم الآن
يا شريف فلتفق لا لأني مستخسرك فيه وأنت لا تعرفني ولا أعرفك، ولكن لأن ولاد الوسخة لن يزيدوا أو يقلوا بك..أنت أنظف وأشرف..أو هكذا أظن..، وبعض الظن..للأسف.. إثم

nael eltoukhy said...

حلو اوي :)

Anonymous said...

رائع رائع ... أرجو تفنيد كل طروحاته الملتوية التي طرحها في البلوج الخاص به يبدو أنه تم وعده بمنصب أو بوظيفة ما

Anonymous said...

انا مش هقولك ان انضمامنا لستار الاينس معناه ان وزاره الطيران ف عهد د شفيق ده انجاز يشرف اى مصرى
لكن هو لما اشوف خطأ وارفضه واعبر عن رايى ومايتاخدش بيه ..ذنبى انا ايه ؟؟هل الصح ان شفيق يستقيل ؟؟عشان يحل محله واحد فاسد بجد ومابيعارضش ؟؟
كل الناس عارفه ان شفيق كان مغضوب عليه وانه مجاش رئيس وزرا الا بسبب الثوره وانت نفسك بتقول انه اختير لنضافته ..متهيقلى حقه انه يقول الى عنده وخلى بالك ان مش من حق اقليه تفرض رايها ع اغلبيه الشعب وخاصه ان اغلبيه الشعب ده هما الى خلوا تمردكم مظاهره وعصيان مدنى ووصلوها لثوره
من الاخر انتوا من غيرنا متسووش
الشعب عايز حاكم مش ثائر لان مش شرط ان ثائر يعرف يحكم
انا بحترمك يا شريف وبرفض اى ادعاءات حقيره لتلويث نيه اى حد لمجرد انك بتخالفه
كلنا بنحب بلدنا وحق البهائيين الى بتتكلم عنهم انساه
لان هويه بلدنا اغلى من اى حقوق واانصحك ناضل ف محو الاميه وابدا بنفسك

Bella said...

لافض فوك ياعمرو. دائما عند حسن الظن بك

أحمد عبد الوهاب said...
This comment has been removed by the author.
wa7ed mn masr said...

عمرو يحزنني جداً أن أري صاحب "العدالة للجميع" مسانداً لرجل كل إنجازاته مطار ( في القرن الحادي و العشرين ) ، يحزنني أن أري واحد من قليلين (حين كنا نفرح بإننا نزيذد واحد) هاجموا مبكرا ًنظام "ولاد الوسخة" اليوم في هذا الموقع و لكن مازلت أتمني أن يبقي الإحترام متبادلاً ...
عزيزي شريف : ده مش مقامك !!

Gemyhood said...

يا خسارة يا شريف !

تسلم يا عمرو

هالة لطفي said...

أنا مبسوطة عشان إنت بقيت تشتم .. أيوة كدة يا عمرو أصلك كنت مهذب بزيادة الصراحة.

ibn_abdel_aziz said...

شكرا يا عمرو :)

حبيت بس ارد علي العصفور الصغنن اللي كاتب اني موعود بمنصب فعشان كدة انا مع شفيق

حسيبك انت ترد عليه يا عمرو

اما بقية الامور والنقاط التي ذكرتها سارد عليها تباعا في تدوينة مستقلة ان شاء الله

شكرا

علي فاكرة لو بتعتبرني من الناس الضايعة حسب التصنيف فده كويس ..عشان انا بعتبرك برضة منهم

وجهة نظري بقي

سلام عليكم مؤقتا

ساعد نسرين الايمن said...

مش عارف ايه يا عمرو حكاية الناس اللي فاكرة ان فشيق كويس عشان مطار القاهرة
اقسم بالله مطار البحرين انضف منه مية مرة
لو شفيق يستحق رئاسة الجمهورية عشان بني المطار كله بشكله العكر ده علي كده اللي بني سيتي ستار لازك يبقي امبروطور العالم او المقرر العام لكوكب الارض

سمر منصور said...

ارجع يا شريف فعلا.. ارجع ارجوك..

انا لسه فى صدمة ان صاحب المدونة البديعة "العدالة للجميع" اللى كنت بتابعها مع مدونة منال و علاء و ما بدا لى و اتعلمت منهم كتير جداااااا و كونوا كتير من افكارى و وجدانى و عرفونى على كتير.. صاحب المدونة دى بيدعم شفيق!!!!!... احيييييييييه :S:S

ده شفيق هو الرجل الخطأ بكل المقاييس, اقدر اتفهم عمرو موسى لكن شفيق ازااااااااااى؟؟...

طب ازاى تدعم واحد كان موجود فى السلطة وقت معركة الجمل.. مش هو السبب بس هو مسؤول سياسيا عن اللى حصل..مسؤول سياسيا لما وقف فى مؤتمر صحفى و المعركة شغالة و هو بيبث اكاذيب و كله همه يجمّل فى صورة مبارك يا نهار اسود ازاى شفيق يا جدعان ازااااى !!!!!!

'm speechless :S

انا فعلا مصدومة و متضايقة و حزينة جدا :(

شكرا يا عمرو على التدوينة الرائعة, و سلامى لسكان امبابة الجدعان اللى بوظوا مؤتمر سيادة الفشيق, اجدع ناس والله...

وسام فؤاد said...

مقالك ملهم يا عمرو.. بس إن كان ولابد تشتم فحافظ على على "التوظيف الدرامي للشتيمة" ولا تنجر للشتيمة عمال على بطال زي موديل وائل عباس الذي وإن كنت أحترم مواقفه إلا ان شتيمته صعبة..

أدهم said...

أحب اشارك بشاهدتي عن أحمد شفيق بصفتي كنت بشتغل في مطار القاهرة لمدة 10 شهور ,
1- اول ملاحظة في المطار هي الأسواق الحرة و هي عبارة عن محلات خمور و شفيق شخصيا مسئول عن المحلات دي و رئيس الأسواق الحرة كان لواء قوات جوية صحبه .
2- احمد شفيق يملك قصر في فرنسا في شارل دي جول و قبل ما يعمل نفسه نزيه يقول من أين له هذا و هو موظف حكومي .
3- شفيق كان اسبوعيا هو أو اسرته بيدخل مصر حوالي 15 او 20 شنطة سفر كبيرة محدش يعرف فيها ايه و طبعا مش بتتفتح في الجمارك ولا بتعدي علي جهاز و طبعا اللي يدخل الحجم الهائل ده من الشنط بصفة مستمرة أكيد مش للأستخدام الشخصي .. اكيد بيتاجر فيهم و اللي يوافق ان مصر يمسكها مهرب و تاجر شنطة بلاش يعيش معانا عشان الثورة قامت خلاص و المصريين حلفو ان الفساد ميرجعش تاني .
4- يا ريت تدوروا علي اليوتيوب عشان تشوفو موظفين وزارة الطياران قالوا عليه ايه في الفساد المالي و الإداري و الديون اللي غرق فيها مصر للطيران خصوصا فيما يخص المطار الجديد اللي نهب فيه مليارات و توكيلات الفنادق اللي وزعها علي اصحابه .
5-مصر دولة مدنية يحكمها رئيس مدني منتخب ملوش علاقة بالنظام السابق و الشروط ولا واحد فيهم موجود في شفيق

Anonymous said...

معرفش شريف ولا مدونته، بس بعد قراءة "تسعون دقيقة مع شفيق"، و "شاهد عيان من إمبابة"، أستغرب الاحترام جدا. وبدون التفتيش في النيات والأسباب، كل أسباب تأييد شريف لشفيق تأتي على نفس درجة ابتذال المواطنين الشرفاء.

Anonymous said...

عمرو عزت انت حقا إنسان واطي و بذئ الشعب كله بقى كخة يا ابن الوسخة ... يالا يا عملاء با توع العمولات يا شراميط... يا منصف يا محترم طلقت مراتك ليه غير عشان انك عرص و عايز تعط و مش عايز تتحمل المسئولية كس أمك يا ابن الشرموطة شفيق ابن وسخة جايز و انت ابن شرموطة يالا يا عرص يا خول

naguib said...

أنا هقولك كلمتين تحطهم حلقة في ودنكيا شريف شفيق صديقك هو اللي ظبط وهيأ الجو لصديق عمره "مبارك" على ما رص ورقه وهندم حالههو والعيلة الكريمة وجهزه للحبس الاحتياطي. وخدمه خدمة عمره ونقله فلوسة بالطيران مش بأي حاجة تانية الله أعلم راحت فيين, وهو المسؤول الأول عن عرض فيلم الباشا تلميذ للسادة قضاة المحكمة وكان بسلامته النفخة الاولى لايجهاض الثورة.

Anonymous said...

أستاذ عمرو يا ديموقراطي يا جميل برئ يا طاهر كل خراك الشعب اللي مش عاجبك و اللي بيختار غلط هو اللي منجحش الفلول في مجلس الشعب إذا أتت الديموقراطية بإبليس فعليك أن تقبلها و بدل ما تعلم الشعب الجاهل المسكين هو قد إيه غلط روح كل خراك و نيك نفسك و علم نفسك إزاي تبقي ديموقراطي ... غباءك و غباء أمثالك من النخبة هما اللي هيخلوا الناس ينتخبوا موسى أو شفيق في أسوء الظروف عشان شافوا خرا كبير أوي من النخبة خلتهم يكفروا بيها ....

Anonymous said...

بص لوش شفيق في الصورة يا شريف .. إنت مصدقه؟ شوف خبث شفيق من تحت النظارة يا شريف !! .. شوف استعباط شفيق و هو بيبص للكاميرا !! ... لاحظ الصورة وفكر و افهم ... العودة للحق لا تنتقص من قدر الإنسان يا شريف ....... كل اللي عايز يرجع للحق و اللي مؤمن به مش مجرد شعارات مسيره يرجع يا عمرو

Hayat El-Yamani said...

حياة
شريف من الناس اللي انا اتعلمت على ايديهم اكون واقفة في صف الحق وعدم التمييز أياً كان شكلة أو لونه

أرجع يا شريف عيب احنا افتقدناك في صف الثورة واكيد مش حابين يوصل بينا الحال اننا نقول انك من اعداءها ارجع لسه فى مكان لو لسه في قلبك للعدالة والحق مكان

خمسة فضفضة said...

هايل يا عمرو .. انا كمان من زماااان ومن قبل حملة شفشق دي اما شفت شريف علي الفيس بوك نازل مدح في شفشق ازبهليت ....


واحب اوجهلوا نداء من مدونتك


ارجع يا شريف

eman mo5ayam said...

عزيزي شريف، نصف موقف،نصف مع، نصف آدمية .. "هالوقفة" مع "ابن الوسخة الواحد" ما بتوصفك إلا بحالة "النصف"،الّي هي بشكل تلقائي رح تقصيك من جانب "الحق" لطرف "ابن الوسخة" .. الّي هي ع الأكيد غير مبررة .. أعتقد السبب المنطقي الوحيد كون المرء يكون بحالة "النصف" إنه يكونوا ماسكين عليك فيلم بورنو، عدا عن ذلك مفيش أسباب منطقية .. السبب الغير منطقي الّي شيفاه عند كل "ولاد الوسخة و من لفّ لفيفهم" هي الوساخة الّي بالدّم .. هيك ربّاني، قصدي مش "ربّاني" .. صارت تتسمّى الحالة "طنطاوي" .. ضرورة "كومنتيّة"

Unknown said...

حسن نية شريف واقعيا مستحيلة. صعب إنسان بيفهم يكون مش فاهم ليه منجبش شفيق رئيس جمهورية بعد ثورة أسقطت مبارك. شفيق...صديق الإسكواش الشخصي لمبارك؟ كام مرة هنـأ شفيق مبارك علي الباك هاند بتاعته؟ علي ذكاء جمال وإنبهاره بوسع أفاقه؟ طلب منه أن يعلمه مما علمه الله عن الحكم؟ شكره علي تحمله مشاق حكمنا مع ما يدفعه من حياة بلا ملوخية؟ هل عرض شفيق علي مبارك أن يعمل له الملوخية بنفسه؟ هل وقف وراء مبارك أثناء معركة الجمل وقاله..جدع يا باشا؟

شريف...أنصحك تتعلم تلعب إسكواش إحتياطي...ومتسبش شغل الصبح..علشان لما شفيق يفشل يفضل عندك حاجة تعملها. أو إقعد إتفرج علي صور الشهداء وفكر في رغبتك في المشاركة في قتلهم..يمكن ربنا يوسعلك طريق مختلف.

citizenragab said...

الأبتذال للجميع.
من فترة بتابع مدونة شريف وكان نفسي محدش ياخد باله منها.
جزء من ذكرياتي عن التدوين مرتبطة بشريف، وفاكر اول مرة شفته في وقفة بالذكري الأولي لمذبحة مصطفي محمود.

فاكر جدا مدونة ميم و راء و مجموعة مصارحة و مصالحة.
هيييييييييييييه .
أكثر ما يؤلم في قصة شريف، أنها تجعلك تخاف علي أصدقائك، وعلي نفسك و تضعها في اختبارات متانة و صلابة طول الوقت.
شريف ..انت بقيت عيل متني

Unknown said...

الأخ إللي بيقول شفيق جه بسبب الثورة، شفيق عينه مبارك، فيعني لما الثورة تقوم على مبارك وشفيق يفضل موجود ده معناه إن شفيق و/أو من عينه معندهمش دم ولا مخ ولا احساس لدرجة إنهم يخلوه و/أو هو يفضل في منصبه كل هذه المدة، وهي ليست بقصيرة كما يحسب البعض. بلاش مغالطة يا ريت.

bluestone said...

ياعمرو انا مش هاتكلم عن التدوينة نفسها .. لحساسية كل المواقف .. انا بس شدني كام تعليق بخصوص شفيق

لا ابعدنا كل الحسابات والافكار والاتهامات ماثبت منها وما لم يثبت وان افترضنا بحسن نية نظافة يد شفيق تماما وانه رجل مبهر في كل شيء .. فهو مازال يعاني من عيبين خطيرين في رأيي البسيط يمنعانه تماما من ان يكون رئيسا لبلد في حالة ثورة غير مكتملة:

1-شفيق رجل عسكري برتبة فريق .. ومع كامل الاحترام لانجازاته ان وجدت فهو مازال يعمل بعقلية العسكر التي لا تعرف الا الاوامر والطاعة .. العقيدة العسكرية لمن اقترب منها تصبغ صاحبها تماما .. فهو لا يري في اعطاء الاوامر اي مشكلة ويعتبر الديموقراطية ترف لا قيمة له في مقابل الغذاء والامن .. تلك هي مشكلة شفيق .. ربما ان لم تكن هناك ثورة ومات مبارك وانقلب العسكر "رسميا وعلنيا" علي التوريث وأتوا بشفيق لكنا فرحنا وهللنا للرجل العسكري. لانه لم يكن لن يد في التغيير.. لم نجلس في الشوارع ونتظاهر ونفقد الاصدقاء وتتكون لدينا ايمان ويقين بالحرية والديموقراطية حتي وان كان للعسكر دور خفي فيما حدث

شفيق رجل مبهر .. كل الظغاة مبهرين .. صدام حسين كان شخصية آثرة ايضا .. ولكنه تعود علي القاء الاوامر للتابعين ... تلك هي واقع حياة العسكرية وليس في الامر اي مشكلة. الجيش مؤسسة قائمة علي الطاعة والاوامر ولا مكان فيها للديموقراطية ولا الحرية. وهذا ليس عيبا ..انها طبيعة المؤسسة العسكرية ! وسر نجاحها في اي مكان في العالم

العيب هو ان يحكم رجل بهذه العقلية لتنتقل مصر لتكون مؤسسة عسكرية كبيرة..الكبير فيها مقاما ورتبة بالضرورة يفهم افضل ويعرف اكثر وهناك اسرار لا يجب للعامة امثالنا معرفتها لانها لحماية مصر !! امن قومي !!
تلك كارثة حتى وان شفيق ملاكا مبهرا ورجلا عظيما ..

2-شفيق رجل نظام مبارك.. ربما كان شفيق معارضا داخل النظام .. ولا اعتقد .. شفيق رجل عسكري عقيدته تجبره علي الولاء لقائده الأعلي مبارك .. شفيق رجل مبارك و"دفعته" وزميل ورفيق عمل..وان لم يملك العفو عنه لكنه ساهم في بناء نظامه ! ومن ساهم في بناء شيء لن يهدمه بل سيحسن من اداءه علي احسن تقدير ! ولكنه ربما لم يعي مثلنا ان النظام قد فسد بما يستدعي هدما حقيقيا .. نحن نسعي لتغيير بنية النظام بالكامل علي أمل ان نتمكن في يوم ما من تغيير ثقافة البشر انفسهم ان كان لدينا تعليم افضل ونظام افضل لمحاربة الفساد ..
شفيق لن يفعل هذا

حتي وان كان شفيق رجلا عظيما نظيف اليد لا غبار علي تاريخه وعمله ولكننا نريد رجلا لم يذق طعم السلطة ولم يعط الاوامر ولم يتربي في مؤسسة عسكرية .. نريد رجلا يتحمل سبنا الدائم وشتائمنا وقلة أدبنا لاننا شعب قليل الادب وقليلي الثقافة كمان الشعوب دائما ما تشتم حكامها وعلي الحكام ان يدركوا ذلك ويعوه جيدا ..