18 March 2007

خالد عبد الحميد

khaled-sharqawy

خالد - أيضا - دفع معظم تذاكر من حضروا حفل زفافي بحديقة الأزهر ..
و نجح في اقتناص صحبة الورد الأبيض بعد أن رمتها رضوى , رغم مزاحمة شرقاوي , و بالتالي كان الدور عليه !

قلت لنفسي , الخميس الماضي ,بالتأكيد سيكون موجودا .
و بما إني لا أحمل ما يدعي بالمحمول, و بما أن أكواما من أوراقي ذهبت أدراج الزواج و فيها رقمه هاتفه , و بما أني لا أعرف له عنوان إيميل شخصي , لأنه ليس " كلبا إليكترونيا " مثلي -رغم أنه مدير موقع قد الدنيا الآن ...هي فرصة إذن لأتمكن أخيرا من دعوته علي العشاء عندنا و تناول محشي ورق العنب (و هذا طقس جديد استحدثته بعد الزواج ).

أول ما سمعت من فلول من نجوا من الاعتقال في ميدان التحرير ,و أنا أتراجع معهم بعيدا عن الميدان : أخذوا خالد عبد الحميد .
كان يوما عبثيا من أوله , أكثر ما شغل تفكيري هو أني خجل جدا من خالد, و أود لو يخرج سريعا لكي لا يتفاقم شعوري هذا . لا أدري لم لم أكن قلقا عليه أو علي أحد , كنت متسقا مع عبثية اليوم , و كنت مطمئنا بشكل ما .

خالد و رفاقه خرجوا أخيرا.
تعيش و تأخذ غيرها يا خالد . لا تلتقط الورد مرة أخري إلا و أنت تنوي دخول "القفص" الذهبي .
المحشي في انتظارك !


18 comments:

zenzana said...

صباح الخير يا عمرو

من احلى التدوينات عن خالد
احييك عليها
انا من ضمن اصدقاء خالد الكتييررررر جدا
وكنت مبسوطة جدا ان اول حد شفته عند قسم شرطة الضاهر كان خالد وهو خارج معرفتش اقول له حاجة غير ان اخضه بالحضن
ممكن اجي معاه يوم المحشي؟
بهزر طبعا متقلقش مش هزاحمك ف المحشي او القعدة مع خالد ههههههههه
تحياتي
بقالي ساعتين مش عارفة اعلق

محمود عزت said...

خالد من الناس اللي كنت مبسوط إنهم كانوا موجودين في الفرح :)
مكنتش أعرفه ساعتها بس حسيت إنه شخص ودود جدا و عامل جو و بهجة في الليلة

كفارة يا أبو خالد
و خلينا نشوفك على طول
أنا حاجي يوم العزومة عشان أسلم عليك

Anonymous said...

محشي ورق عنب؟؟

ياحبيبي ياخالد :))))))

Anonymous said...

ostaz 3amro:deh awel mra ab3tlak comment bs na metab3 le l mdwn men zmaaan w by3gbny eslobak 7ata l ekhtlft m3akfe el afkar..ana bs bast2znakenny 7atet cmment kan 3andk 3andy fe post 3an mwdo3 el commentat argo en dh maykons yedy2ak

arabesque said...

أول مرة شفت خالد كانت في الفرح
تاني مرة كانت تاني يوم لما رحت معرض الكتاب ودخلت جناح ميريت
ساعتها افتكرني على طول و سلم عليا كأننا نعرف بعض من زمن وساعدني لما اشتريت مجموعة الكتب اللي اخترتها وقالي رأيه في كل كتاب
ولما الموضوع كلف في النهاية حسيت إنه اتضايق وماكانش راضي

حمد الله على سلامته وسلامة كل المعتقلين

Anonymous said...

لو كل اعتقال بعده ورق عنب

فا يسقط يسقط حسنى مبارك

Anonymous said...

تحياتي خيي عمرو , مبروك زفافك مع انه متاخر شهرين بس انا جديد انتبهت لموضوع زفافك لان عنا رفيق بالشغل عمل متل زفافك فلما الجميع سئله عن هاي الفكرة الرائعه حكالنا عن انو لطشها من شب مصري و هيك و انه كتير معجب بالموضوع و بناءا علي قرر يعمله ,, صحيح اهل العروس الهم اسبوع زعلانين بس مشي الحال عفوا ع الاطاله .. ثانيا و هو الاهم انه بمجرد ما قراتلك بعض ما كتبت شدني بطريقه رهيبة و كلام جوته غوته بغض النظر عن اللفظ رائع لا مجال طبعا ... ثالثا الف مبروك لكل من تم حجزة زورا و بهتاناً و عقبال كافة المعتقلين . احييك و احيي الاخ خالد و الف مبروك.
تحياتي القلبية لرضوى ايضا ففي القلب لها مكانة .. عذرا على التطفل و الاطاله مودتي

ممكن اجي اكول محشي ؟؟؟:-)
ندى

مُزمُز said...

أنا هستى لما البتنجان يطلع وأنظم مظاهرة ضخمة وأعتقل

عمرو عزت said...

أهلا بك جميعا
و المحشي يكفي الجميع ان شاءالله

و مش لازم تعتقل يا مزمز
انت بس قول و علي انا الباقي

انا هابقي سعيد اني اشوفكم جميعا
اللي ببتكلم جد يراسلني
علشان يتأكد انها مش عزومة مراكبية
دي عزومة امبابية

ندي
سعيد جدا لان فرحنا اصبح فرحا طليعيا
هذا ثاني فرح يصلني ان اصحابه استلهموا الفكرة
اهلا بيكي يا ندي في حفلات المحشي
انتي في مصر دلوقتي ؟

Anonymous said...

تسلم خيي عمرو , لا انا بطالب بمحشي عبر القارات .. لا للاسف انا مش بمصر و تحياتي القلبية و بانتظار جديديك دوما و دائما مودتي

ibn nasser - ابن ناصر said...

...>دعوه الي كل مصري حقيقي<
سيكون الاستفتاء علي التعديلات الدستوري يوم الاثنين الموافق 26-3-2007 والباب مفتوح من الساعه الساعه السابعه صباحا الي السابعه او السادسه مساء وسيكون الاستفتاء بالبطاقه الشخصيه اذا كان في الشخص سيذهب لدائرته اما اذا كان المواطن يريد ان يذهب للاستفتاء في مكان أخر فهذا يتطلب البطاقه الانتخابيه ..يا جماعه يالا نروح يالا خليهم يسمعوا صوتنا ..المقاطعه معني السلبيه هنروح ونقول لأ كلنا ..هتروح؟

Nouran said...

يعني هو خد الورد ودخل البتاع ده طب الحمدلله ان انا اللي مختوش لحسن انا كنت هخده وهو نط وخده بدااالي الحمدلله

مين اللي هيعمل ورق العنب رضوى ؟؟ :)

عمرو عزت said...

إرتعاشات
أهلا بك و علي الرحب و السعة

نوران
ورق العنب ده وصفة خاصة و سر خطير
اسالي رضوي عليه

Anonymous said...

هل سبق أن رأى أو قرأ أحدكم نصوص التعديلات الدستورية في أي مكان؟
إذا حصل فأين؟ هل لديك رابط لها على الخط؟

shakharat said...

مبروك علي الجواز يا عمرو
ومبروك علي الخروج يا خالد

نبض اسكندرية said...

حمد لله على سلامة الجميع

من زمان قوى مدونتش عندك يا عمرو

معلش

المهم بما اننا مش هنقدر ناكل محشى من ايد الشيف رضوى

وطبعا انت عمال توصف فى جمالة ومجوعنا معاك

نطلب صورة لطبق المحشى المخصوص دة

وبكدا نكون طلنا حاجة من المحشى

اتمنى انى اشوف طبق المحشى قريب

تحياتى

Anonymous said...

ادخل على الموقع ده لمصلحتك

الريس مستنى

http://neekmubarak.blogspot.com

تــحـوتــمـــــس Thutmose said...

سلامات يا عم خالد

واحشني جدا

عراقي