08 December 2006

إنتاج محلي



".....

أصل لا يمكن !

شوف !

بقولك لايمكن

تعيش في إمبابة أكتر من عشرين سنة

و متبقاش فنان

هما بس الناس هنا غلابة

مش بياخدوا بالهم

إلا لما بيزروهم حد من بره "


الديوان التجريبي لـمحمود عزت .. شاعر إمبابة الأول و أخي أيضا.

صدر بالتعاون بين دار سوسن للنشر و التوزيع و بلوجر راعي من لا ناشر له.


18 comments:

SOLITUDE® said...

جميل جدا...

خصوصا دي :D


أخويا الكبير

لما إلتزم

ربى دقنه و صلى في المسجد

البيت إتقلب

و بعدين لما بقى يساري

برضه البيت إتقلب

و لما مبقوش عارفين هو إيه

برضه البيت إتقلب

السؤال

البيت ده ملته إيه ؟!

:D

الديب said...

السلام عليكم

اقتباس:
======================
-8-
مش شايف أي مشكلة
إني أكتب بالعامية
من غير أي وزن ولا قافية
======================

معلش انا اسف .. طالما انه كده .. يبقى مايبقاش شعر

و مايبقاش ديوان

ولا ايه ؟؟

انا الحقيقة ماليش في الشعر اصلا .. لكن لما باحب اقرا شعر .. يبقى مظبوط على وزن وقافية

على كل حال .. ربنا يوفقك لما فيه الخير

ياريت ماتضايقش من رأيي ..

السلام عليكم

Anonymous said...

ana men zaman ba2ool en ana fanan
bas mehtag elly yeketshfny........

Anonymous said...

gamed awy el diwan ya hoda
isa yenzel qareban

Unknown said...
This comment has been removed by a blog administrator.
محمود عزت said...

ألف شكر يا عمرو !
حيبقى ليك نسبة من الإيراد

صحيح !
الأخ اللي بيقول إمبابة ممكن تخرّج فنانين !
صباحه بيصوصو
إبراهيم أصلان
إبراهيم عبد المجيد
على الحجار
و عمك طبعا
:)

Anonymous said...


انا شايف ان في شاب كويس اوي رد بيقول انه محتاج حد يكتشفه اسمه مصطفى باين عزت
اكتشوفه يا اخوانا ينوبكم فيه ثواب

محمد أبو زيد said...

مبروك الديوان يا محمود
تحس إن اللي كاتبه ده حد معجون بمية الشعر، والعفاريت برضه ، المية اللي استخدمها قبل كدههمنا المتنبي ، وأبونواس وفؤاد حداد والماغوط ودرويش وصلاح جاهين
الديوان مع إنه قصيدة نثر ، إلأا انه رائع ، الشعر في الشاعرية يا صديقي وليس في العروض
السرد في اليوان رائع جدا
كمان المقاطع اللي بتتكلم فيها عن امبابةوالكيت كات فيها حميميةعالية ،
الاعتراف بالأخطاء الصغيرة ، التفاصيل الجميلة اللي فيها ، عجبني جدا الجزء بتاع مدرسة الاورمان
دي مش سيرة حياة
دي سيرة شعر
شكرا ليك على الديوان ده يا محمود
الواحد كان محتاج يقرا شعر حقيقي بقاله كتير

و تحياتي ليك ياعمرو

Unknown said...

لقد تحولت المدونات الى دور للمناسبات..لما حد بيعزمك على الغدا لازم تقعد نص ساعة تشكر فى الأكل و تسلم ايدين المدام مع انك بتكون وانت بتقول كده بتفكر فى دكتور باطنة شاطر تروح له بعد ماتمشى....نفس الحكاية أى حد يرزع كلمتين فى مدونته يخش حبايبه وصحابه عشان يحيوا له الليلة

لكن كل ده كوم وان يتشبه اللى كتب الكلام اللى أى كلام ده بصلاح جاهين وفؤاد حداد ومحمود درويش.....دى بقى فاقعة جدا وحاجة تفقع الب.....ان

محمود عزت said...

الأخ إم فور إم !

طيب ليه مسحت ردك بتاع" هو فيه فنانين من إمبابة ؟"

:)

و مادام ناوي تشتم ليه بتشيل نص الشتيمة !
بتفكرني بالراجل بتاع إعلان ميلودي تتحدى الملل
" أنا حعرف أجيبك يا بن الـ تيييييييييييت !"

و يا سيدي لما حد يبقى يعزمك على الغدا
ما تبقاش تروح :))

Unknown said...

الأخ محمود...أنا مسحت ردى عشان ماعجبنيش وعشان افتكرت على الحجار اللى هو قريب واحد صاحبى من تاج الدول وليا صحاب فنانين من مراد الكيت كات

وأنا مش باشتم والله بس انت برضه لازم تبقى متواضع وعاقل ومش ممكن ترضى انك تتشبه بالمتنبى وجاهين وحداد ودرويش...مش كده برضه؟

انت كتبت كلمتين عاجبينك من حقك على صحابك يستحملوك..لكن يلبسونا العمة يبقى عيب قوى

أما بالنسبة للعزومة لو اتعزمت ف مكان لازم أروح ولو الأكل ماعجبنيش باقول...الطبيخ حمضان ياجماعة

عمرو عزت said...

محرز :
حل السؤال
الببت ده ملته مصري
بيعبد السلامة و الذرية

عمرو عزت said...

الديب

هذا بحسب تعريف الشعر عندك

و اذا اختلفت تعريفاتنا للشعر فلكل منا شعره


m4m
انا كنت عارف انك هاتقول كده
علشان كده انت الوحيد اللي ما بعتتلوش بطاقة دعوة مكتوب علي ضهرها من اصول الزيارة مدح الطبيخ

وانا اعتقد ان محمود فعلا مش عاجبه تشبييه باي حد
لانه ناوي يبقي احسن منهم

:)

محمود عزت said...

أيوه كده يا عم إم فور إم
طول عمري بقول العودة للأدب و الذوق و الأخلاق دي شيء هايل :)
إنت راجل محترم بس يظهر كنت مرهق حبتين ساعة ما كتبت الرد بتاع تييييييييت !

وإذا كان حد بيشهبهني بالناس الحلوة دي فده رأيه !
إنت زعلان ليه !
و بعد إذنك عايزين العمة

Unknown said...

عمرو عزت :- مين يشهد للعروسة...انت الوحيد اللى نفلقك مقبول

محمود عزت :- لازلت على رأيى أن اللى انت رصيته ده مش شعر...انت ليك فى الشيشة؟

Anonymous said...

Thanks God! you didnt add it in DWWEN.COM ...
if they saw your post, they wil definitly delete it coz they dont like users to talk freely

لا تسالنى من انا said...

ازيك يا عمرو انا يحيى ابن خالتك احب اقولك ان اخوك سوف يكون من السعراء الجمدين اوى و ربنا يوافقك فى حياتك

لا تسالنى من انا said...

المكان يا عمرو عمره مكان عائق املم الانسان الطموح و على فكرة اغظم الناس كانوا فى الاصل من مناطق شعبية زى محمد هنيدى المهم الانسان و طموحه و لو عنده هدف هيحقق حتى لو امامه كل الصعوبات