26 April 2006

اعتقالات جديدة و الأمن يحاصر ناديي القضاة بالقاهرة و الإسكندرية


شنت قوات الأمن مساء اليوم هجمة جديدة علي الاعتصام التضامني أمام نادي القضاة بشارع عبد الخالق ثروت و اعتدت علي المعتصمين و اعتقلت عددا كبيرا منهم قدره البعض بنحو 30 أو 40 معتقلا
و تحاصر قوات الأمن الآن نادي القضاة و نقابتي الصحفيين و المحامين بأعداد ضخمة

من المعتقلين (نقلا عن وائل عباس و علي الطيب و ياسر عبد الله ( عبر الهاتف ) و موقع حزب العمل و موقع كفاية ):

1- الدكتور يحي القزاز أستاذ جامعي/ حركة 9 مارس لاستقلال الجامعات ( أطلق سراحه )
2- محمد عبد القدوس الاخوان المسلمون و عضو مجلس إدارة نقابة الصحفيين ( أطلق سراحه)
3- كمال خليل القيادي بحركة الاشتراكيين الثوريين
4- مالك مصطفى حزب الوسط
5-إبراهيم الصحاري صحفي / حركة الاشتراكيين الثوريين
6- خالد علي مهندس
7- أكرم الإيراني القيادي بحزب العمل
8- محمد الدريدري القيادي بحزب العمل
9- بهاء صابر شباب من أجل التغيير
10- ياسر بدران
11- ساهر جاد صحفيون من أجل التغيير
12- كريم محمد حزب الغد
13- محمد عادل الإخوان المسلمون/ شباب من أجل التغيير
14- إسلام حنفي حزب الغد
15- سيف عبد الله حركة الكرامة
16- محمد فوزي طلبة اليسار الديمقراطي
17- محمد عبد الرحمن
18 - حسين محمد حزب الغد / شباب من أجل التغيير
19 - كريم محمد شباب من أجل التغيير
20 - سامح محمد سعيد
21- جمال عبد الفتاح
22 - سامي دياب
23 - حسن من أسيوط

و هناك أنباء عن اعتقالات أخري في الإسكندرية و حصار مماثل لنادي القضاة هناك .
التقط وائل عباس فيديو لواقعة الاعتداء و الاعتقالات و هو محاصر الآن في نقابة الصحفيين .
هناك أنباء عن اطلاق سراح د. يحيي القزاز و محمد عبد القدوس .

10:30 م
أخبرني ياسر عبد الله الموجود الآن بمركز هشام مبارك أن ابراهيم الصحاري و ساهر جاد و مالك مصطفي و محمد عادل و أكرم الإيراني محتجزون في معسكر الأمن المركزي بطره , و محمد عادل مصاب في رأسه و في حالة سيئة .

11:30 م
قطع الكهرباء عن نادي القضاة و منع دخول أو خروج القضاة .
و خبر من كنانة عن محاصرة كل نوادي القضاة في الأقاليم .

21 comments:

Anonymous said...

عليا الحرنكش ياريس مبارك
فى عصر مزركش ملون بنارك
لابايعك وابايع حكومة حمارك
ملعون ابو اللى يقدر يقاطع قرارك
نهاره مقندل وليله مبارك
فهمبك وهجص وطلع فى ديننا
اكيد هو طالع يشاهد جمالك
جمالك مبارك سوزانك سوزاننا
يامحلا حصارك لمصر اللى جالنا
نسيمها فى عصرك بيشوى فى بدننا
اؤيد وابايع فخامة جلالتك
وايد اى واحد بيمسح ريالتك
ولانك سر باتع هاننسى هبالتك
فاقعد ياريس ودلدل حمامتك
حمامة السلام حمامتك ياريس
سلامة الحمامة وسلامتك ياريس
على تل مصر ياريتك تهيص
خرابه فسيحة عليها تمتيس
واامر تطاع فشعبك مفيص

احمد فؤاد نجم

radwa osama said...

كارم يحي لم يقبض عليه ..اطمنت عليه من حد دلوقتي

عمرو عزت said...

شكرا .. حذفت اسمه

shaimaa said...

ربنا يهد البعدااا

bluestone said...

لو اي حد يقدر يدلنا نطمن على الناس دي ازاي ونعرف اخبارهم ..

حاولت وفشلت .. حد يا جماعة يقولنا نقدر نعمل ايه ...

radwa osama said...

بلو ستون: الناس في معسكر طره وغالبا هيخرجوا النهارده او بكرة بالكتير ..متوقعه انهم هيفرجوا عن الكل ..بس الحكاية انهم بيبعدوهم علشان النهارده ..علي العموم ربنا يستر

OSAMA said...

مرحبا يا جماعة انا من المكان القريب البعيد بنسحر في طريئتكم في التعليق عالاحداث ياريت لو ترفعوا راسكم شوية لتشوفوا البلاوي المتللة عنا هون في الاردن

Bent Masreya said...

طيب حد اتصل بأهل مالك او شفتوا محامى ؟؟

رفعت said...

الناس بكرة هيترحلوا من الترحيلات ( قسم الخليفة) الى طرة (المكان اللى هيقضوا فيه ال 15 يوم) ...لو حد عاوز يوصل لهم أى حاجة بكرة ا/عادل (اللى بيظبط الإعاشة) هيكون موجود فى مركز هشام مبارك(1 ش التوفيقية) من الساعة 2 الى 3 ... بيقول هيحاول يدخللهم اكبر كم من الحاجات ... كده كده هيدخل لهم اكل و شوية هدوم و شباشب و حاجات كده.. كتب احتمال ... الطلبة ممكن ندخل لهم أوراق للمذاكرة و لو عندهم امتحانات ممكن يخرجوا يمتحنوا أثناء ال 15 يوم أو لو تم التجديد ... الناس روحهم كويسة و مقضينها غنا و هتافات

radwa osama said...

بنت مصرية : انا كلمت اهل مالك ومعاه دلوقتي ثلاثه محاميين

Anonymous said...

إنْ كان كذباً ما يقولونْ :
إنَّ لقلبكَ لوناً أخضرْ .
فلماذا؟
كلّما التقينا
تعرِّشُ الخمائلُ على جسدي ،
عشبٌ مجنونٌ يقتفي أثري،
و تصيرُ يدايَ
واحدةٌ زهرةَ دِفلى
أما الأخرى
سياجاً
أراد أن يطوقكَ
فتكسَّرْ ؟!......

شايفنكم said...

ما قاله قضاة مصر الشرفاء لشايفنكم يوم لجنة الصلاحيه


هشام بسطويسي....قال"الشعب عنده وعي كفايه وفاهم كويس ايه اللي بيحصل و فاهم ان قضية استقلال القضاء و نزاهته تهم كل مواطن.....القضيه مش قضيه قاضيين بيتحاكموا !!"

و قال ايضاً" حشود الامن...جيا تحمي النظام من الشعب"

و قال لنا الخضيري عن حشود الامن الكبيره" الحشد الامني يدل على على ان الدوله لا تفكر بالمنطق المطلوب...و ده لأنها للأسف بتفكر بعضلاتها"

و اضاف" المسأله مش خاصه بالقضاه دي قضية الشعب المصري كله"

و بعد ان تم الاعتداء على محمود حمزه كان لنا معه حوار كامل في مستشفى كليوباترا و هذا اهم ما ورد فيه

قال محمود حمزه لشايفنكم مستنكراً ما تعرض له من اهانات و ضرب" القضاء ده ايه؟ ايه رمزه؟ ..العدل طبعا..و لما يهان العدل بالطريقه دي...مش دي رساله للشعب..رساله بتقول: مش هما دول اللي بتقولوا ان هما صوتكوا" شما اشار الى وجهه المصاب و قال " اهو بالجزمه ...بالجزمه"

قال لنا ايضا محمود حمزه وهو يغالب دموعه.. " انا لما دخلت المستشفى في الطواريء...انكسرت اوي و صعبت نفسي عليا جداً..ولكن بعد ان جاءني تليفون من مواطنه تؤيدني و دعت لي لم اعد اشعر باي الم في جسدي"

و عندما اكد حمزه ان مصر في حاجه لكل شخص و كل وسيله اعلام من اجل تدعيم حركة القضاء سالناه هل اتى لك اي تليفزيون حكومي منذ اصابتك فضحك بمراراه و قال"لم يأتي اي تليفزيون حكومي بل بالعكس دا انا لما شفت التليفزيون المصري لقيت نفسي متهم"
و اضاف"و لما و صفوا اللي قام بالاعتداء ....كان ناقص يقولوا عليه مختل عقلياًًً!!!!!!!!"
و عندما سألناه عن مدى ايمانه باستقلال القضاء...قال" اكيد هيستقل القضاء الرئيس وعد بكده...هل يجوز ان رئيس الجمهوريه وهو اعلى الهيئات القضائيه يوعد ما يوفيش؟؟...مش معقول..انا مش متخيل انه مويفويش بوعده!!!"

و في نهاية حديثه وجه كلامه لرئيس مبارك قائلاً:" قانون السلطه القضائيه مش هيأثر على اي سلطه اخرى..
ارجوك ..ارجوك...انهى الازمه...لن ينهيا غيرك!!!"

haz said...

[pp[[
[;تانغتهنغهتغ

احمد محمود said...

كل شىء تمام يا زعيم الأمة العربية

ميت said...

أهلا يا عمرو
أنا محمد عادل
طلعت اول أمس الحمد لله
نفسي أعرف مين بقي مين إلي طلع إشاعه إني مضروب في دماغي ومتبهدل وإغمي عليه
مين حد ينطق

kemo said...

تعرض القضاء فى مصر فى الاونه الخيره الى هزه قويه .. ليست فى مجال الاحكام التى يصدرها .. فهذه الاحكام لا يمكن ان تهتز مهما تعرض القضاء المصرى لثمه ضغوط لاجبارهم على اصدار احكام هوائيه .. تتبع فى مضمونها اوامر او توجيهات من اى كائن حى سواء ذو منصب او سلطه او نفوذ او لم يكن له حتى هويه ... و لكن الهزه ... جائت فى هيبته
- فلقد لجاء السيد الاستاذ المستشار( زعيم الفكر القضائى) الى اساليب .. اكاد اذكرها فى الحرم الجامعى وسط الطلبه و المرتزقه من العاملين فى ما يدعى بالسياسه الطلابيه .
- فطلبه الجامعه - اعانهم الله - يدخلون الحرم الجامعى و كلهم طموحات فى السنه الاولى لهم فيها ... ثم يبداء الاختلاف الشاسع بين مرحله الثانويه العامه و المدرسه و الرقابه و الحرب النفسيه للحصول على مجموع الى مرحله الجامعه و الانفتاح على عالم لم تصل رقابته الى الحد ذاته فى المرحله التى تسبقه ... فيصبحون فريسه سهله لمدعى الثقافه و العلم بمقاليد السياسه و يتظاهرون بحب الوطن حتى يتم استقطابهم لافكارهم السياسيه المزعومه .. ثم تقوم الصراعات بين الجماعات المختلفه حول الاستقطاب و المستقطبين حتى تصل الى زروتها و تصبح المنافسه حاده فيما بينهم .
- ثم تلجاء كل جماعه الى الظهور بالهتافات و المظاهرات مستغلين بعض المواقف التى تظهر فى الصحف اليوميه .. مخاطبين جموع الطلبه بالتوحد و كسر باب الجامعه و الخروج للسفاره الاسرائيليه احتجاجا على الوضع الراهن .. و هنا يتدخل الامن المركزى بجنوده المعروف عنهم الذكاء المتناهى و يحاولن منعم بطريقتهم الخاصه .. و ينتج عن ذلك التصادم جرح الطلاب و الجنود .. و فى هذه الاثناء ... تكون تلك المجموعه التى بدات بالتظاهر قد فرت من خلف صفوف الطلاب و اتجهت الى مقاهى وسط البلد بادعاء الهرب من رجال امن الدوله .
- تلك هى الطرق المتبعه داخل الحرم الجامعى .. و لها اعذارها .. من رعونه و جهل بالاساليب المثلى للتعبير عن الراى .
- و لكن .. ما بال السيد الاستاذ المستشار الجليل ... و قد لجاء الى ذلك الاسلوب .. مستقطبا نخبه من حماه العداله فى مصر .. و قد سمح لايدى العبث تدخل وسط القضاه الشوامخ ... و اصبح كل من لم يستطع البوح برايه المعارض باسلوب غير متزن .. يستطيع الان بحجه التضامن مع القضاه ان يسب النظم السياسيه فى العالم اجمع ... لان من سيحكم عليه او يحقق معه .. ماهو الا زميل فى ذات المظاهره .
منتهى الاهانه لقضائنا الشامخ و منتهى التدنى فى الفكر ..
دائما يكون سلاح القاضى قلمه و ليس صوته .. و للقضاه اساليب اخرى دون اهانتنا و اهانه انفسهم للوصول لمطالبهم المنشوده و هم اعلم بها .
** شاهدت موقف لن انساه ما حييت ... اعضاء حركه كفايه ( و الله اعلم بهدفهم و مصدر دعمهم و هويتهم ) ينصبون خياما امام نادى القضاه فى شارع شمبليون .. و يقوم احدهم بتوجيه التعليمات الى حرس نادى القضاه لتفتيش الاعضاء قبل الدخول ... اقسم بان هذا واقع مخجل .
- ان للقضاء صرح .. لا يمكن المساس به .. و لكن اصبح القضاه و الطلبه بما حدث .. متساويان
ارجو السيد الفاضل مستشار و زعيم القضاه و من يعاونه من المستقطبين .... ايقاف المهزله .
- كان حلم كل متظاهر فى الجامعه ان يكون مثله كمثل سعد زغلول و احمد عرابى او ان يصبح رئيس للجمهوريه فى يوم من الايام .

و لكنى اتمنى لو اعرف هدف معالى المستشار !!!!!!

سيبها على الله said...

مهما طال الفجر ....لابد ان يظهر الفجر

عمرو عزت said...

نعم يا أستاذ كيمو

في الحقيقة انني كعضو من حركة كفاية أقر و أعترف بانني أتلقي تمويلا من نيوزيلاندا
و ان الخيمة التي نصبت امام نادي القضاة دفع ثمنها كاملا السفير النيوزيلاندي في القاهرة
و أنه كان يدفع لنا ثمن كل ليلة مبيت
ليتك كنت معنا يا كيمو
الخير كتير

كما ان هويتنا معروفة
نحن عملاء نيوزيلانديون
سواء منا اليساريون او الليبراليون او الاسلاميون
اساتذة الجامعات و الصحفيون و المهندسون
حتي الفنانين و الكتاب الذين أتوا للتضامن لساعات
كلنا عملاء نيوزيلانده

و اعترف لك انني انا الذي كنت اوجه الاوامر لحراس نادي القضاة
بل للمستشار زكريا عبد العزيز شخصيا
و انا الذي اوعزت اليه ان يخرج فوق اعناق القضاة هاتفا الاستقلال القضائي التام او الموت الزؤام
و هو المشهد الذي آي نفسيتك و جعلك تتألم لان القضاة يتساوون مع الطلاب ولاد الكلب

فعلا يا سيدي انه واقع مخجل
تحب ان تعرف هدف المستشار زكريا عبد العزيز
ان هناك وعودا قوية من سفارة نيوزيلانده له بتولي مقاليد القوات المسلحة المصرية
كما انه الان يتقاضي مثلنا ثمن كل ليلة اعتصام للقضاة مثلما كنا نتقاضي نحن المعتصمين في الخيمة

احييك علي فكرك النقدي و رؤيتك الثاقبة و تحليلك العميق

دمت لمصر و دمنا نحن لنيوزيلانده عملاء و خونة

Anonymous said...

بيان هام
صدر قرار بخصخصة هذا الشىء المسمى بالمواطن المصرى الهمجى
ايها الرعاع سوف يتم بيعكم فى مزاد علنى تمام الساعة 6 وعلى جميع الدول سحب كراسة الشروط من عبده تمويل
اسعرنا لقطه ولا كلمه
70
همجى مخصوم منهم اهم طبقة راقية من ساسة الرجال واعتى الرجال واثقف الرجال واثمن الرجال هم العقلاء فقط
وقد تم الكشف على المتبقيين وجدنا الاتى نصفهم متطرف لانه سنى والنصف الاخر مش عارف حاجه عن دينه وحلو خالص اهبل وعبيط وماشى مع المكوضه وبيسمع الكلام بس صضلحيته انتهت لانه بيتكلم فى الراس ماليه والبتاعه ديه والاشتراكيه ومش تركشى ايه همج رعارع والسعر لقطة مفيش احلى من كده وسوف نقوم بتعويض النقص من دول شرق اسيا نجيب ناس بتفهم ياعم احسن من العالم العبيطه دى اللى متطرف واللى متحرر واللى عامل مثقف شوية همج من العصور الوسطى دار عليهم الزمن
احنا الجداد
زمن الرجال

Anonymous said...

البلد بلدنا واللى مش عجبه يمشى انتم عايزين ايه اكتر من كده تعليم ببلاش نور وميه ببلاش تمويين ببلاش علاج ببلاش والشباب عايش احسن عيشة عربيه لكل مواطن وعروسه لكل مواطن وشقة لكل مواطن وبتتكلموا براحتكم واللى انتم عايزينه بتلاقوه لا فى كتم انفاس ولا اهانة لادمية المواطن المصرى من رجال الشرطة ولا ضرب على القفا ولا يبنى كذا وانتى ياد يابن ال هه نعملكم ايه اكتر من كده انتم احسن من غيركم
على الاقل بتدفعو ضرايب بسيطه وبنقدم لكم خدمات اكتر من اللى بتدفعوها بمليون مره
بنسهرو على قفاكم اقصد راحة بالكم
لا بنلم شباب مصر ولا بنرميهم فى السجون ولا بنعذبكم هه
عازين ايه تانى
نصفكم متطرف والاخر شباب مش عارف دينه واللى حيعرف دينه ياولاد الكلب حيكون متطرف وارهابى ياترى انتم بتحربو وتقبضو على مين قال الله ورسوله يبقى متطرف قال قال ارسطو وعياله قلتم متخلف قال قال القانون وخلافه قلتم خارج على القانون طيب نقول ايه
كفايه كده لان ديه ساعة فضفضة من شاب لا ليه فى الطور ولا الطحين بس اول مره يدخل هذه المدونات ووجد فيها العجب العجاب والواقع اكثر مما هو موجود بالاف
بس وراى الشمس حر والواحد مش قد العالم بتوع ضرب القفا
ربنا يجعل كلامنا خفيف عليهم
معاهم حق شعب جبان
لازم ياخد على دماغه عشان الكبار يعيشو على قفاهم
لقد بحثت فى قواميس اللغة العربية بحثا عن معنى مواطن مصرى وجدت الاتى
مواطن مصرى تعنى
التخلف
التطرف
الارهاب
الادمان
المخدرات
الموضه
التليفزيون
الدش
الانترنت
السكس
الظلم
الاستبداد
الديكتاتوريه
الضرب على القفا
وبالشلوت لو مش عاجب
التعذيب
بيع احلام جيل
وضياع جيل
وموت جيل ليعيش
م و ح وا
ويترعرعو
على دماء 70 مليون همجى رجعى متطرف
مخصوم م و ح وا عشان دول هم خيرة الرجال واعتى الرجال واثقف الرجال واثمن الرجال
وارقى سلالة موجوده فى مصر
ياترى لو واحد من العالم ايهام قرأ الكلام ده حيقول عليا ايه
اما صاحب تنظيم او ارهابى متطرف او لو ربنا سترها معايا حيقول متخلف عقليا
مع لا انا هذا ولا ذاك ولكنى مواطن مطحون فى طحونة المواطنة مثل اى مواطن عادى وهى دى اكبر مشكلة انى مواطن عادى لا انا من سادة الدولة ولا انا من رجال الشرطة ولا انا من رجال الحكومة
يبقى لازم تاخد على قفاك
وربنا يستر ويجعل كلامنا خفيف عليهم

Anonymous said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品

A片,A片,A片下載,做愛,成人電影,.18成人,日本A片,情色小說,情色電影,成人影城,自拍,情色論壇,成人論壇,情色貼圖,情色,免費A片,成人,成人網站,成人圖片,AV女優,成人光碟,色情,色情影片,免費A片下載,SEX,AV,色情網站,本土自拍,性愛,成人影片,情色文學,成人文章,成人圖片區,成人貼圖

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人