27 June 2006

كل الطرق تؤدي إلي لاظوغلي


alaa3333

التدوين ترحيبا بعودة علاء – صاحبنا العزيز و صاحب مجمعنا – واجب . و لكن التدوين الاستباقي لعلاء أجهض ما خطر ببالي من افكار ترحيبية .
كنت سأذكر أشياء من بينها أني أتفق مع ما قاله ابن عبد العزيز سابقا من أن أكثر ما يميز علاء أنه شخص منطقي . ربما لأنه شخص واضح و متسق مع نفسه , يفكر و يعيش بصوت عال .
الحوار مع علاء ممتع و ذو جدوي بالتأكيد, فهو ممن لا يقعون في حبائل التعابير الرنانة و لا الأفكار الجوفاء و لا يستخدمهما تبريرا . بل يرتب الأفكار ترتيبا جيدا و يحاول صياغة كلماته بدقة حتى و هو يستخدم العامية .
كتب علاء عن حمدي قناوي و نقل ما كتبه عم حمدي بعد الإفراج عنه . و وجدت فيما كتبه عم حمدي عن مهارة علاء في إدارة الحوار و ترتيب الأفكار رأيا مطابقا لرأيي ... نقترب الآن من إجماع , هل من معترض !

ما دونه علاء أيضا بعد خروجه مباشرة , هو دليل آخر علي وضوح تفكيره , فهو التقط ما ينبغي حقا أن يقال .. فذكر لقاءه الدال بشباب الإخوان المسلمين في لاظوغلي . هو خارج و هم داخلون بعد اعتقالهم بتهمة إقامة معسكر ترفيهي في مطروح .
شباب الإخوان علي عكس المتوقع - لدي البعض - احتفوا بعلاء و أبدوا اهتمامهم بالمدونات و هنئوا علاء بالإفراج و أشاعوا جوا من البهجة بنكات و أغان شعبية .

هذه اللقطة الدالة حرص علاء علي أن تكون أول ما يسجله قبل أن يهتف في تدوينته تحية لهؤلاء الشباب : " ألف تحية للإخوان " , و يذكرنا ألا نردد أن الشرقاوي و كريم فقط من تبقيا بالداخل .... هناك أيضا المئات من شباب الإخوان .

ذكرني علاء بشيء كنت أود أنا أيضا تسجيله .. فمالك روي لي أنه أثناء رحلته إلي لاظوغلي – أيضا – هو و أكرم الإيراني , شاهدا في طرقات المبني خارج الزنازين معتقلين إسلاميين عرايا إلا مما يستر عوراتهم . . معصوبي الأعين .. ..يمر عليهم الناس في الطرقات بلا اكتراث .. بينما هم يرددون آيات من القرآن أو يرددون الأذكار ... بعضهم كما روي مالك يقضي حاجته في مكانه وفي ملابسه ... و لا رحمة بهم بالطبع تأخذ الحثالة الجلادين في المبني القذر .
أكرم الإيراني تعرف علي أحدهم : الشيخ عبد الله السماوي – المعتقل من فبراير الماضي - .. و ذهب إليه و سلم عليه و شد من أزره ...

التقيت الشيخ عبد الله السماوي مرة واحدة منذ عدة سنوات , في حفل إفطار رمضاني يقيمه سنويا كاتب إسلامي و يدعو إليه أطيافا مختلفة من الإسلاميين بالأساس .. من المفكرين المستقلين إلي رموز الوسط و الأخوان و حتي بعض الدعاة السلفيين .
افترش عبد الله السماوي الأرض بحوار بعض الشباب لضيق المكان و رفض أن ينضم لموائد للكتاب و المفكرين .. لم أكن أعرفه .. و لم أتوقع كونه أكثر من رجل سلفي .. و لكن ذلك العدد ممن أصروا علي مصافحته و تقبيل رأسه في تبجيل جعلني أسأل عنه لأعرف أنه منظر لتيار متأثر بسيد قطب يسمي تيار " العزلة الشعورية " .
أكبرت تواضعه و ارتحت لابتسامته الدائمة المستكينة .. وفي الندوة بعد الإفطار ارتحت للهجته الهادئة السمحة و إن لم يرقني كلامه .
لا أعتقد أنه يلزم هنا تقديم الديباجة المكررة عن التضامن معه و المطالبة بالإفراج عنه رغم الاختلاف الشديد و هكذا ....
فقط أردت أن أذكر هذا ... و أشعر بسخافة أن أنهي ما أكتب بالهتاف : أطلقوا سراح شباب الإخوان .. أفرجوا عن عبد الله السماوي .. و لكن أفكر ماذا يمكن أن نفعل ليمكن لنداءاتنا هذه أن تغير شيئا .

مرحبا بعودتك يا علاء ..



19 comments:

Anonymous said...

I agree - Alaa's structure of mentality is worthy of admiration. I may disagree with some of his opinions but I still think that his way of handling many ideas is rational. His concern about detainees affiliated to Islamic groups tells alot about his character and objectivity. I think the title of this post is a very good one. thanks

Anonymous said...

القصة بتاعتي مفيهاش لاظوغلي خالص، أولا أنا على ذمة جابر ابن حيان مش لاظوغلي، ثانيا أنا قابلت مجموعة شبابا الأخوان في نيابة أمن الدولة بمصر الجديدة أثناء عرضهم لأول مرة على النيابة و عرضي للمرة الرابعة.

أظن التعذيب أداة كويسة قوى لتفكيك القوى السياسية، لما تلاقي نفسك بتتسائل ايه البديل و هل هيحل مشاكل الناس ولا لأ اسأل الأول هل فيه بديل يوقف التعذيب و بس؟ و هل لو البديل ده هيفشل تماما في حل المشاكل الاقتصادية و حتى حل مشاكل الفساد و التعليم و الصحة بس هينجح في منع التعذيب و محاسبة جلادي الدولة يبقى ده بديل يستحق ولا لأ؟

لما تلاقي نفسك بتتسائل يا ترى التيار الفلاني لو حكم دي هتبقى حاجة ايجابية ولا لأ برضه اسأل عن التعذيب، يعني لو الأخوان حكموا هل هيتوقف التعذيب ولا هيستمر هل هيتحاكم الجلادين؟

Anonymous said...

والله انا شايف ان الاخوان تحديداًاتقال عليهم كلام كتير ولامؤخزة مش مظبوط وفيه كتير من الافترا او سؤ الظن او عدم معرفة كتير من الى بيهاجموهم ليهم او لمنهجهم وان اي حد بيٌرب منهم ويطلع على شخصياتهم او منهجهم بيحترمهم لو بص للامور بنظرة موضوعية والتفكير فى امور زي هل الاخوان هيستخدمو التعذيب لو مسكو الحكم انا مظنش زائد كمان هما دايماً بيصرحو ان الحكم مش من اولوياتهم حالياً وفي رأيى برضك انهم مش هيكونو اسوأ من ولاد الاحبه الى بيحكمونا حالياً ..بمعنى ان مفيش جوه الاخوان لاحرامى ولا مرتشى ولا تاجر بقوت الناس وصحتهم وجبلهم مبيدات مسرطنة ولا هرب فلوس البنوك بره ولا القرف الي احنا فيه دلوقت ... اتعونو دلوقت ولما حد فيكو يمسك الحكم ابقو اتكلمو ساعتها فى مين هيعذب مين !

محمود عزت said...

في البداية بس ألف سلامة يا عم علاء

ثانيا في جابر بن حيان حنعرف كلنا مين العدو و مين الحبيب


ثالثا
الإخوان كل الناس بتتكلم عنهم و قليل جدا اللي يعرف إن مش كلام واحد ولا إتنين أو تصرفات بعض مهابيل مجلس الشعب أو شيوخ زهايمر الإخوان هما كل الإخوان
أو علي الأقل أفكار شبابهم الحقيقة

ياعمرو , إدعي للشيخ السماوي و شباب الإخوان! و أعمل حملة كمان!

Unknown said...

الى الأخ المجهول:-

انت بتقول :- "مفيش جوه الاخوان لاحرامى ولا مرتشى ولا تاجر بقوت الناس وصحتهم وجبلهم مبيدات مسرطنة ولا هرب فلوس البنوك بره"

تقدر تثبت الكلام ده؟

Anonymous said...

الاخ m4m تحية طيبة :
فى البداية حضرتك بتكلمنى وكأنى عضو فى مكتب الارشاد بتاع الاخوان وانا من الاساس مليش علاقة بيهم ولا انتمى لفكرهم ولكن احتكيت بكتير منهم فى مواقف كتيرة او من خلال عائلتى الى انتمي بعض منهم لجماعة الاخوان وبس..
انما النقطة الاهم وهي ان الاخوان بالفعل لم يثبت ان اى واحد منهم اخد قروض من بنوك وهربها بره مصر زي كتير من قيادات الحزب الوطنى ولا اتفق من خلال موقعه كمسؤول حكومى على انه يدخل البلد مبيدات مسرطنة
ولو هنفترض ان في حد منهم مرتشى ولا حرامى ولا تاجر فى قوت الشعب ...بيتهيألى كده والله اعلم... ان لو حد منهم عمل حاجة من دى مكنتش الحكومة سابته لأن والله اعلم برضك على حد علمى ان النظام الوسخ الى بيحكمنا مش هيفوت فرصة فى انه يشهر ويجرس اى اخوانجى فاسد والدليل ان مجرد ان اى مسؤول او قيادى من الاخوان يقول تصريح ..تلاقى كلاب النظام والمهليلاتية بتوعه يجرو ويحاولو يطلعو كلمة من هنا ولا من هناك غلط من التصريح ويعملو عليها شغلانه والابانضة زى مثلاً الطظ بتاعة المرشد الى عبدالله كمال عمل عليها حفلة وهوليلة...

زائد كمان يا سيدنا "البينة على من ادعى" بمعنى لو عندك انت اى دليل على ان اى اخوانجى سرق ولا نهب قول بس بدليل مش بكلام مرسل بدون دليل ....

أبو عمر - الصارم الحاسم said...

ياااااااااااااه يا عمرو


سمعت كتير عن فجر و قذارة النظام بتاعنا ......لكن دي بالذات كانت جامدة اوي


حسستني بكراهية اضعاف مضاعفة ...اكتر ما ان قرفان أساسا


يا ترى بقى الشيخ السماوي هو كمان بيهدد الأمن القومي ........يا ترى هو كمان خطر عليهم في اي بقى


عشان فاهم كويس يبقى لازم يتسحل



فعلا شوية كلاب- دي شتيمة للكلاب حتى .....وربنا هو المنتقم الجبار



غير بقى كده...فيه حبة كلام عايز اتناقش معاك فيه بعدين .....مناقشة موضوعية



محدش يحوشني
(:

(abu al-alaa) أبو العلاء said...

عفوا يا عمرو و لكن هذا التعليق على كلام علاء

كان يا ما كان سقا فقير إسمه الفضيل بن عياض. أتاه هارون (الرشيد) يوما يسأله النصيحة فنصحه ببسط العدل و نشر العلم.

أظن الوصفة معقولة و يستحسن نركز على الموضوعين دول. أما الإقتصاد فالربح دافع طبيعى و فى دولة محترمة التحسن و النمو لا يتطلب تخطيط كثير. أنا عارف إن الإشتراكيين عادة لا يعجبهم هذا الكلام و لكن بصفة عامة تدخل الدولة غير ضروري و إن كان مفيد أحيانا.

مهم أيضا ألا ننشغل بمحاسبة الجلادين لسببين: أولا الجراح تبقى مفتوحة و الجلاد هذا له إخوة و أقارب لن يتذكروا أفعاله السودا و لكن إنه كان بيعمل شغله و يحمى البلد و ... إنت عارف الإسطوانة. ثانيا إن الخوف من الإنتقام يدفع الظالم للتشبث بالظلم أكثر لأن لا بديل. العفو ليس فقط قيمة أخلاقية و لكنه سياسة عملية.

مهم أيضا أن نتحمل شئ من البطء فى معالجة آثار الظلم. يعنى الفقير غالبا سيظل فقيرا حتى إذا انكشح الظلم الحالى. محاولة عبدالناصر لرد المظالم فى التو و الحال إنتهت نهايتها المعروفة و الدرس يستحق الذكرى.

خلاصة القول لو هييجى أى حد يلغى الخيار و الفاقوس فى مصر أنا أول مؤيد!

الباقى سهل!

و حمدالله على السلامة

Unknown said...

الى الأخ الشمحطجى :-
سيادتك اللى قلت كلام مرسل بدون دليل وأطلقت حكما عاما لو صح فهذا معناه أن الاخوان ملائكة نزلت من السماء وليسوا بشرا مثلنا...لا ياعزيزى وأنا لا أهاجم الاخوان وأحترم تمسك معظمهم بالمرجعية الدينية المعتدلة ولكنى لا أميل الى التقوقع تحت راية أى فصيلة سواء دينية أو دنيوية..الاخوان منهم الصالح ومنهم الطالح..ومنهم الحرامى والمرتشى والغشاش والمتاجر بقوت الشعب...الخ فهم بشر وليسوا ملائكة..أما حكاية الحكومة كانت فضحتهم فلازم تعرف ان المصالح المشتركة مالهاش ديانة...طول مانت مظبط أوضاعك اعمل اللى انت عايزه حتى لو كنت بن لادن....أما لو قصرت فى تظبيط أمورك فياويلك حتى لوكنت حسام أبو الفتوح ...دى حسابات سياسية قذرة..والطظ بتاعة المرشد مش دليل لأن ياما قال طظ هو وغيره..بس المشكلة فى توقيتها مش انه قالها....
عموما تحياتى ليك ورجائى أن تغير اسمك فلا نريد لمدونة عمرو التى أحترمها أن ننزلق فيها الى مهاترات..وان أردت الاستفاضة فى النقاش فلتشرفنى بزيارة مدونتى:-
http://malayalzam.blogspot.com/

وشكرا

عمرو عزت said...

لامؤاخذة يا علاء
العتب علي
النضارة

و لكن لاظوغلي - مصر الجديدة - جابر بن حيان
كلها أمن دولة

فكرة البديل السياسي و التعذيب
اعتقد بغض النظر عن البرنامج السياسي هدف اي تغيير سياسي يجب ان يكون اقرار دولة القانون
في دولة قانون هناك فصل حقيقي بين السلطات
و لا تنحصر السلطة في شخص او جهة واحدة
يقل التعذيب و ينحصر في حالات ضيقة و استثنائية


كلام أبو العلاء قيم
و لكن محاسبة الجلادين تختلف عن الانتقام منهم
دولة يحكمها القانون لن تبدا باستثناء جلادين اجرموا في حق العديد من الناس
و لكن حقيقة دولة القانون ستظهر في كيفية المحاسبة
التي اذا انحرفت لانتقام تكون دولة فاشية مستبدة

و اذا كنت تعتقد ان هذا يعجل من امكان التغيير : الصفح عن الجلادين
فاعتقد ان تغييرا متوقف علي سماحة الجلادين هو تغيير زائف و لا أسس قوية له

عمرو عزت said...

لا يمكن اثبات خلو الاخوان بشكل قاطع من اي فاسد او منحرف
و اثبات وجود عناصر من هؤلاء ليس بالضرورة قدحا في البديل السياسي الذي يمثلونه
ولا خلوهم منهم يؤيد هذا البديل

المحك : ماذا يقدم هذا البديل للناس و كيف ؟

جميله بو حريد said...

عندى احساس بيقول لى ان الشعب ده مش عاوز لا حريه ولا ديموقراطيه ولا اى شى يعبر عن سموه كانسان وحاجه كده تميزه عن الحيوانات وده جالىلما كنت راكب النهارده اتوبيس وانا مسافره من مدينه لمدينه تانيه وكان حديث دار بين راكب وبينالمحصل علىانه بيدفع للراجل اللى فى المرور فلوس هو مش بيتحقها مجرد جبايه عشان مايلفق ليه اى مخالفه ولما الراكب حاول يقنعه انه مادام صح وبيدفع اللى مطلوب منه لازم يقف لللااجل ده هو وغيره من السواقين لكن ولا حياه لمن تنادى هو وغيره مش عاوز يبذل اى جهد فى انه يحصل على حقه مستنين حد يخبط على باب بيتهم ويديها لهم حسبى الله ونعم الوكيل

عمرو عزت said...

الناس دي غلابة يا بوسي
مافيش أفق قدامهم
و لا قانون بيحميهم

نقطة البداية بتكون مبادرة خلاقة من الناس اللي عندها شوية أفق و وعي و رؤية

يحاولوا يلاقوا طرق لحماية الغلابة دول و يرشدوهم
و اعتقد بمرور الوقت يمكن تجاوز الخوف مادام سيجد الناس مصلحتهم و طرق الوصول اليها واضحة

فكرة اقانمة روابط حقيقية لهم
او جميعات تقدم خدمات قانونية تطوعية لهم لدعمهم في مواجهة البلطجة و الجباية

Anonymous said...

Keep up the good work
upskirt gallery

Anonymous said...

Enjoyed a lot! casino baccarat Internet mail access property insurance online roulette Square dance theme parties buspar Inquisitive headphones Sauna pedro bomex body kits buy diet pill Brain cancer stage Small penis on board bumpersticker

منة الله said...

عمرو
ادعوك للمشاركة في استفتاء

اكثر 10 مدونات تأثيرا في قرائها

عل مدونتك واحدة منهم

اليك الرابط

http://6ef.blogspot.com/

Anonymous said...

Your own write-up features confirmed useful to mуself.
It’s quіte helpful anԁ you are naturally
quite κnowleԁgеable of this type.
You have opened ouг faсе in order to varіous thoughts about this
kind of subjесt usіng intгiguing,
notable аnd soliԁ artіcles.

My ωebpаge :: buy Valium
Feel free to surf my site - Valium

Anonymous said...

Yοuг οwn article offers cοnfirmed neceѕsarу to myself.
It’s rеally еԁucational
and you are nаturally quitе ехperienced of thiѕ tyρе.
You havе еxposed mу pеrsonal fаce in orԁer to different views on this kind of tоpic ωith intгіguing, notable anԁ relіаble агticles.


Here iѕ my wеb site phentermine
Also visit my web blog ... phentermine

Anonymous said...

Υour οwn гeрort ρrovіԁeѕ еstablisheԁ
benefiсial to mе pеrѕonally. It’s eхtremеly
іnfоrmatiѵe аnd уou're clearly very experienced in this field. You have got opened up my personal eyes in order to numerous thoughts about this particular topic using interesting and solid written content.

Here is my web-site: buy viagra online
My web-site :: viagra