07 October 2006

مائدة حقيقية

إفطار مدونين  05-10-2006



من الصعب تخيل أن يجتمع كل هؤلاء " المختلفين جدا " علي مائدة واحدة .
و لكن بعد فترة , ليست بالطويلة , من الصحبة علي المائدة الافتراضية الواحدة , أصبح ذلك ممكنا في العالم الحقيقي . و كان في غاية الروعة.
هذا هو الإبداع الحقيقي لفكرة التدوين .. فكرة ذلك المنتدي الكوني المفتوح بلا حواجز.

استمتعت بصحبة الجميع , و بطبق البطاطس !
شكر عميق لمن ساعدوا في ترتيب اليوم : الأصدقاء علي المجموعة البريدية للمدونين المصريين التي لا علاقة لها بالهيئة الحزبية العليا للمدونين .
و شكر خاص لمريم و زينب لجهدهما في ترتيب ذلك اليوم علي أرض الواقع .

28 comments:

Dananeer said...

مش حاقول انى استمنعت بالازانيا اللى كان طعمها وحش
بس كفايه انى شفتكو
صحيح كنت حاسه بشويه غربه زى محمود
و صحيح ممكن نكون مختلفين اكتر على ارض الواقع بس جميل ان فيها حاجه بتجمعنا

ibn_abdel_aziz said...

احسدكم
واتمني ان اكون معكم قريبا

salma said...

كان يوم لطيف فعلا و شعرت بالسعادة من أندماج الناس الشديد بالرغم من أختلافتهم العميقة

Tarek said...

كان يوم هايل يا ريت يتكرر
و قفايا منور الصورة ... ههههه

نبيه المنسي said...

الحمد الله الذي أعادك بعد غياب...بهذه المائدة

The Eyewitness said...

كنت أتمنى أن أشارككم.

sabrina said...

اكيد كان يوم حلو يا بختكم فعلأ
ياريت تنزل صور ثانية مع كتابة توضيحية عن الاشخاص

Mohamed Mehrez said...

يا ريتني كنت معاهم (وش بيعيط)

مع الاعتذار للفيلم البايخ الطريق إلى إيلات

انا عرفت الخبر يومها الصبح من مدونة عصفورة في الساحة...بس مفهمتش هل الدعوة عامة لكل المدونين ولا لناس معينة!!!

حصل خير...وتتعوض ان شاء الله

وربنا يتقبل صيامنا جميعا :D

aboyousif said...

فعلا سعادتي باليوم ده لا توصف

بقول يا عمرو بما إني كنت حاضر الموضوع من أوله ياريت لو تنزل بوست منفرد عن أزمة طلب طبق بطاطس في مطعم أثناء إفطار رمضاني . لأن الموضوع ده بقى بيتكرر كثير قوي
:)

تحياتي لك وللجميع..
على أمل بلقاء أخر قريب إن شاء الله

أبو يوسف

Bent Masreya said...

بجد التدوين خدماته مابتنتهيش.. كل شوية نكتشف ميزة وقدرة فيه
اهمها فى رأيي امكانية حدوث اليوم ده
لحظة واحدة ومكان واحد وناس بكل ألوان الطيف

MeMo said...

ايه دا يا عمرو
دى مؤامرة :P
إشمعنى أنا اللى مش طالع فى الصورة
انا رفيع اه .. بس مش للدرجة دى يا اخى
ياللا .. مش مهملو كنت طلعت كانت الصورة نورت اوى و مشفتوش منها حاجة :P
====
بجد اليوم كان جميل جدا
و يا ريت يتكرر

مـحـمـد مـفـيـد said...

الله عليك يا عمرو
من الواضح انه كام يوم تحفه
بس كان نفسي تعمموا الدعوه

م. محمد إلهامى said...

بعد كل عام وانتم بخير ، وتقبل الله منكم الصيام ..

معقولة ما حصلش بينكم اى حوار فكرى ؟؟

arabesque said...

الحمد لله اليوم كان فعلا حلو و الناس خرجت مبسوطة و كتلة التوتر اختفت على نهاية اليوم :)

من أجمل الأوقات لما خرجنا و اتمشينا في الشارع مجموعات صغيرة بتتشكل و تنفرط عشان تتجمع في شكل جديد

تتكرر إن شاء الله

أبوكريم said...

ممكن حد يشرح الصورة مين دول..؟

عمرو عزت said...

انا شخصيا أعجبني كما قلت اليوم كله
ناسه
و الأكل
و المكان

فقط كنت أتمني أن أري المزيد من الناس

و لكن الدعوة تم الترتيب علي المجموعة البريدية التي ربطت لموقعها في التدوينة
و انتبهت لهذه الترتيبات متأخرا

و اعتقد ان الامر كان سيكون شاقا علي المنظمين لو خرج الامر عن نطاق المجموعة البريدية لظروف الحجز و خلافه

عموما يمكن لمن يريد ان يتابع المجموعة البريدية للانضمام لمثل هذه الفعاليات في المستقبل

بالنسبة للصورة
طارق عمرو
http://gr33ndata.blogspot.com/
هو ذلك الشخص التي تحتل راسه مقدمة الصورة
رغم انه من انشط ناشطي الجروب الا انه اتي متاخرا علي الافطار
فداري وشه من الكسوف

بقية الصورة اعتقد مش واضحة للاسف
لكن علي اليمين فيه مريم أرابيسك
http://seekingfreedom.blogspot.com/
و زينب بنت مصرية
http://bentmasreya.blogspot.com/
و شيماء
http://www.shaima2.net/

و بعدها وائل عباس
http://misrdigital.blogspirit.com/
و في المنتصف سلمي واقفة
http://salomatakmatak.blogspot.com/
و بجوارها منال و علاء
http://www.manalaa.com/
و علي اليسار محمد سمير
http://www.foolab.org/
ثم رامي كرم
http://www.foolab.org/
ثم رضوي
http://hakazaana.blogspot.com/

ثم محمد حبيب
http://www.m7abib.com/
و مؤمن
http://memo.blogsome.com/
المفروض انه وراء حبيب

و ورائهم
و هناك دنانير
http://3asfora-f-elsa7a.blogspot.com/

و بلوستون
http://resstlesswaves.blogspot.com/


هناك اخرون مختفون وراء اخرين او لم يكونوا حاضرين بعد

القائمة الكاملة كتبها حبيب علي
http://www.egyblogs.com

هناك المزيد من الصور هناك
http://www.flickr.com/photos/61679225@N00/tags/%D8%A5%D9%81%D8%B7%D8%A7%D8%B1/

بالنسبة للجدل الفكري
كان فيه حوارات كثير جانبية بس لم تصل للجدل الفكري
الدنيا كانت صيام
و بعدين كانت الدنيا أكل و ضحك و الذي منه

كل عام و انتم بخير

عمرو عزت said...

كل الصور تقريبا هنا
http://www.flickr.com/groups/bloggers-eg/pool/

ibn_abdel_aziz said...

عمرو مش انا برضك حضرت معاكم ؟

http://justice4every1.blogspot.com/2006/10/blog-post_09.html

Nesrina said...

صحيح أنا مش فى الصورة عشان وصلت متأخر بس الحقيقة كان تجمع رائع.

WISSEM BLOG said...

تمنيت اني كنت معاكم

تحياتي من تونس

وسام البغدادي

عمرو عزت said...

wissem

كنت تشرفنا


قريبا
الإفطار الأممي للمدونين
:)

عمرو عزت said...

حنين من الكويت

ملحوظة :
إذا حج البقر علي قرونه = لما تشوف حلمة ودنك

محمد اسكندراني said...

برجوازييييييييييييييييييييييية

radwa osama said...

حلوه ترجمه المصطلحات الكويتي ده يا عمرو
اهو يا سيدي لقينالك شغله ما تصحاش فيها الساعه 8الصبح

عمرو عزت said...

ترجمة المثل الكويتي استشرت فيها العلامة محمود عزت

صاحب الخبرة الطويلة في المنتديات العربية و العديد من الاصدقاء في كل ارجاء الخليج العربي

عمرو عزت said...

محمد اسكندراني :

بروليتارييييييييييييا
:)

رمضان كريم يا محمد

أروى الطويل said...

كان مفروض يبقى فى صور اكتر من كده
بس على العموم حاجة كويسة اوى

Anonymous said...

^^ nice blog!! ^@^

徵信, 徵信, 徵信, 徵信社, 徵信社, 徵信社, 感情挽回, 婚姻挽回, 挽回婚姻, 挽回感情, 徵信, 徵信社, 徵信, 徵信, 捉姦, 徵信公司, 通姦, 通姦罪, 抓姦, 抓猴, 捉猴, 捉姦, 監聽, 調查跟蹤, 反跟蹤, 外遇問題, 徵信, 捉姦, 女人徵信, 女子徵信, 外遇問題, 女子徵信, 徵信社, 外遇, 徵信公司, 徵信網, 外遇蒐證, 抓姦, 抓猴, 捉猴, 調查跟蹤, 反跟蹤, 感情挽回, 挽回感情, 婚姻挽回, 挽回婚姻, 外遇沖開, 抓姦, 女子徵信, 外遇蒐證, 外遇, 通姦, 通姦罪, 贍養費, 徵信, 徵信社, 抓姦, 徵信社, 徵信, 徵信公司, 徵信社, 徵信, 徵信公司, 徵信社, 徵信公司, 女人徵信, 外遇

徵信, 徵信網, 徵信社, 徵信網, 外遇, 徵信, 徵信社, 抓姦, 徵信, 女人徵信, 徵信社, 女人徵信社, 外遇, 抓姦, 徵信公司, 徵信社, 徵信社, 徵信社, 徵信社, 徵信社, 徵信社, 女人徵信社, 徵信社, 徵信, 徵信社, 徵信, 女子徵信社, 女子徵信社, 女子徵信社, 女子徵信社, 徵信, 徵信社, 徵信, 徵信社, 徵信, 徵信社, 徵信, 徵信社, 徵信, 徵信社,

徵信, 徵信社, 徵信, 徵信社, 徵信, 徵信社, 徵信, 徵信社, 徵信, 徵信社, 徵信, 徵信社, 徵信, 徵信社, 徵信, 徵信社, 徵信, 徵信社, 徵信, 徵信社, 徵信, 徵信社, 徵信, 徵信社, 徵信, 徵信社, 徵信, 徵信社, 徵信, 徵信社, 外遇, 抓姦, 離婚, 外遇,離婚,

徵信, 外遇, 離婚, 徵信社, 徵信, 外遇, 抓姦, 徵信社, 徵信, 徵信社, 徵信, 外遇, 徵信社, 徵信, 外遇, 抓姦, 徵信社, 征信, 征信, 徵信, 徵信社, 徵信, 徵信社, 征信, 徵信, 徵信社, 徵信, 徵信社, 徵信, 徵信社, 徵信, 徵信社, 徵信社, 徵信社, 徵信, 外遇, 抓姦